नयाँ दिल्ली, 16 अगस्त (हि.स.)। श्रीकृष्ण जन्माष्टमीको पावन अवसरमा राष्ट्रपति द्रौपदी मुर्मु, प्रधानमन्त्री नरेन्द्र मोदी सहित धेरै केन्द्रिय मन्त्रीहरू र राजनीतिक दलहरूका प्रमुखहरूले देशवासीहरूलाई शुभकामना दिए औं भगवान श्रीकृष्णका आदर्शहरूमा हिँड्ने आह्वान गरे।
राष्ट्रपति द्रौपदी मुर्मुले एक्स पोस्टमा लेखेकी छन्, “भगवान श्रीकृष्णले सम्पूर्ण मानवतालाई धर्म अनुसार कर्तव्य मार्गमा हिँड़ेर सबै प्राणीहरूको हितमा लागिपर्ने मार्ग देखाएका छन्। जन्माष्टमीको शुभ अवसरमा सबैले भगवान श्रीकृष्णले देखाएको मार्गको अनुसरण गर्ने तथा समाज र राष्ट्रलाई मजबुत बनाउने संकल्प लिऔं।
प्रधानमन्त्री मोदीले सोशल मीडिया पोस्टमा लेखेका छन्, सबै देशवासीहरूलाई जन्माष्टमीको असीम शुभकामना। आस्था, आनन्द र उमंगको यो पावन पर्वले तपाई सबैको जीवनमा नयाँ ऊर्जा र नयाँ उत्साहको संचार गरोस्। जय श्रीकृष्ण!”
केन्द्रिय गृह एवं सहकारिता मन्त्री अमित शाहले एक्समा लेखेका छन्, धर्म, नीति र लोककल्याणका प्रतीक भगवान श्रीकृष्णको जीवनले प्रत्येक भारतीयलाई सत्य र कर्तव्यको मागर्मा हिँड्ने प्रेरणा दिँदछ।
रक्षा मन्त्री राजनाथ सिंहले आफ्नो सन्देशमा भनेका छन्, यो पर्वले तपाई सबैको जीवनमा नयाँ उर्जा र नयाँ उत्साहको संचार गरोस्, यही भगवान श्रीकृष्णसित कामना छ।
जन्माष्टमीको पर्व भगवान श्रीकृष्णको जन्मोत्सवको रूपमा मनाइन्छ। यो पर्व भाद्रपद महिनाको कृष्ण पक्षको अष्टमी तिथिमा पर्छ। देशभरिमा श्रद्धालुहरूले यस दिन व्रत राख्छन्, मन्दिरहरूमा विशेष पूजा-अर्चना हुन्छ, झांकीहरू सजाइन्छ र दूधले बनेका विविध पकवानहरूको भोग लगाइन्छ। मथुरा र वृन्दावन जस्ता तीर्थस्थल यस दिन विशेष रूपमा प्रकाश र धार्मि कार्यक्रमहरूले जगमगाउँछन्, जहाँ भगवान श्रीकृष्णका बाल लीलाहरूको जीवन्त चित्रण गरिन्छ।
हिन्दुस्थान समाचार / भवानी थामी
