नगाउँ (असम), 21 अगस्त (हि.स.)। अन्ततः समय-सीमा समाप्त भएको लगत्तै पुनः प्रशासनको सूचना जारी गरियो। आगामी 23 अगस्तदेखि जुरियाको जेंगनी र बलिकटियाको सरकारी भूमिमाथि गरिएको अवैध कब्जालाई खाली गराउनको लागि प्रशासनले बुल्डोजर चलाउनेछ।

आधिकारिक सूत्रबाट प्राप्त जानकारी अनुसार आगामी 23 अगस्तको बिहान 8 बजेदेखि अतिक्रमणलाई हटाउनको लागि प्रशासनद्वारा अभियान शुरू गरिनेछ। ज्ञात रहोस्, बितेको 5 र 8 जुलाईमा बेदखल गरिएको भूमिलाई खाली गर्नको लागि धिंग राजस्व सर्किलद्वारा सूचना जारी गरिएको थियो।

प्रशासनद्वारा पुनः जारी सूचनाको कारणले क्षेत्रमा सन्त्राष व्याप्त भएको छ। अधिकांश मानिसहरू आ-आफ्नो जमीनलाई छोड़ेर अन्यत्र पलायन गरिरहेका छन्।

उल्लेखनीय छ, राज्य सरकारद्वारा राज्यभरि नै सरकारी तथा वन भूमिबाट अवैध कब्जालाई हटाउनको लागि व्यापक स्तरमा अभियान आरम्भ गरिएको छ। गौहाटी उच्च न्यायालयको निर्णय पश्चात राज्य सरकारले झन् बढ़ी सक्रिय भएर यस अभियानलाई संचालन गरिरहेको छ।

हिन्दुस्थान समाचार / उष्णता छेत्री शर्मा