सिलगढ़ी, 21 अगस्त (हि.स.)। सिलगढ़ी महकुमाको खोरीबाड़ीस्थित भारत-नेपाल सीमामा एक जना बंगलादेशी नागरिकलाई पक्राउ गरिएको छ। सशस्त्र सीमा बल (एसएसबी)-ले आरोपीलाई गए बुधवार राति सीमावर्ती क्षेत्र गौरसिंह जोतबाट पक्राउ गरेको हो। आरोपीको नाम लंकेश्वर चन्द्र राय हो जो बंगलादेशको लालमोनिरहाट निवासी रहेको बताइएको छ। आरोपी पछिल्लो वर्ष 2024-को अगस्त महिनामा वैध भिजामा भारत भित्रिएको थियो, तर पछि उ आफ्नो देश बंगलादेश फर्किनको सट्टा भारतमै बस्नथाल्यो।

एसएसबीको 41औं बटालियनका जवानहरूले भिजा अवधि समाप्त भएपछि पनि भारतमा बसेको आरोपमा आरोपीलाई पक्राउ गरेका छन्। आरोपीलाई जाँचबुझ गरिएपछि एसएसबीले खोरीबाड़ी पुलिसलाई सुम्पिदियो। आरोपीबाट बंगलादेशको पहिचान पत्र, पासपोर्ट जफत गरिएको छ। खोरीबाड़ी थानाको पुलिस अग्रिम कारबाहीमा जुटेको छ।

हिन्दुस्थान समाचार / उष्णता छेत्री शर्मा