शिवसागर (असम), 21 अगस्त (हि.स.)। नाजिराको गेलेकीस्थित कलगाउँमा गए राति पुश चोरहरूको वाहन दुर्घटनाको शिकार भयो। पशु चोरहरूले लग्जरी वाहनमा लादेर गाईहरू लगिरहेका थिए। यसबीच गेलेकी पुलिस र पशु चोरहरूमाझ जमका भेट भयो। पुलिसलाई देखेर चोरहरूले आफ्नो वाहनलाई द्रूत गतिमा अगाड़ि बढ़ाए। अचानक वाहन राजमार्गमा दुई वटा घोड़ासित ठोक्कियो। त्यसपछि वाहन कलगाउँको मस्जिद नजिक एउटा घरको भित्तामा ठोक्कियो।

घटनापछि दुर्घटनास्थलमै एउटा घोड़ाको मृत्यु भयो भने अर्को घोड़ा गम्भीर रूपमा घाइते भयो। नम्बर प्लेट बिनाको दुर्घटनाग्रस्त वाहनबाट पाँच वटा गाईहरूलाई बचाइयो। पशु चोरहरूको वाहन पछाड़ि-पछाड़ि अर्को वाहन पनि गुड़िरहेको थियो। चोरहरू घटनास्थलमा वाहनलाई छोड़ेर अर्को वाहनमा सवार भएर भागे।

गाई लादिएको नम्बर प्लेट बिनाको वाहनबाट पुलिसले एउटा मोबाइल फोन जफत गरेको छ। तथापि सड़क दुर्घटनाको सम्पूर्ण दृश्य सीसीटीभी क्यामरामा कैद भयो। पुलिस मामिलाको जाँचमा जुटेको छ।

हिन्दुस्थान समाचार / उष्णता छेत्री शर्मा