कोलकाता, 21 अगस्त (हि.स.)। पर्णश्री क्षेत्रमा लामो समयदेखिको मानसिक अवसादसित जुझ्दै आइरहेकी एक जना वृद्धाले गए बुधवार राति आफ्नो बिमार पतिको आँखा अगाड़ि नै आफैमाथि आगो लगाएर आत्महत्या गरिन्। पतिले पत्नीलाई बचाउने प्रयास गरे अनि छिमेकीहरूको सहयोगमा वृद्धालाई अस्पतालमा लगियो जहाँ डाक्टरहरूले तिनलाई मृत घोषित गरिदिए।

पुलिसलो कोठाबाट एउटा सुसाइड नोट जफत गरेको छ जसमा महिलाले आफ्नो एक्लोपनको पीड़ा लेखेकी छन्। मृत महिलाका पति मृणालकान्ति पाल पछिल्लो लामो समयदेखिकै बिमार छन् भने उनको छोरा विदेशमा बस्छन्। पति-पत्नी मात्र पर्णश्रीस्थित आफ्नो घरमा बस्दै आइरहेका थिए। भनिन्छ, मानसिक अवसादद्वारा ग्रस्त महिलाले अचानक कोठाको ढोका बन्द गरेर आफूमाथि आगो लगाइन्। आगोमा जलिरहेकी पत्नीलाई देखेर पतिले आगोलाई निभाए पनि तिनलाई बचाउन सकेनन्। पुलिसले शवलाई कब्जामा लिएर पोस्टमर्टम गर्नको लागि पठाइदिएको छ साथै मामिलाको जाँच शुरू गरेको छ।

हिन्दुस्थान समाचार / उष्णता छेत्री शर्मा