कोलकाता, 21 अगस्त (हि.स.)। इण्डियन सेक्युलर फ्रण्ट (आईएसएफ)-ले बिहीवार पश्चिम बंगालका विभिन्न भागहरूमा व्यापक प्रदर्शन गऱ्यो। प्रदर्शनकारीहरूले पार्टीको एक मात्र विधायक नौशाद सिद्दीकी सहित केही कार्यकर्ताहरूको रिहाईको माग गरे। सिद्दीक़ी र उनका समर्थकहरूलाई बुधवार भएको एक विरोध प्रदर्शन अवधि हिरासतमा लिएपछि पक्राउ गरिएको थियो।

प्रदर्शनकारीहरूले कोलकातास्थित ब्यांकशाल अदालत बाहिर नाराबाजी गरे जहाँ विधायकलाई पेश गरिएको थियो। यसरी नै उत्तर 24 परगना जिल्लाको हरोआ क्षेत्रमा पनि आईएसएफ समर्थकहरूले पक्राउको विरोधमा सड़कमा टायर बालेर प्रदर्शन गरे। स्थितिलाई नियन्त्रण गर्नको लागि पुलिसले अदालत परिसर बाहिर सुरक्षाको कड़ा व्यवस्था गरेको छ साथै ब्यारिकेड पनि लगाइएको छ ताकि प्रदर्शकारीहरू भित्र प्रवेश गर्न नसकुन्। पुलिसले प्रदर्शनकारीहरूलाई क्षेत्रमा सृजित जामको स्थितिलाई साम्य बनाउन सहयोग गर्ने अपील पनि गऱ्यो।

आईएसएफ नेताहरूले आरोप लगाए, शान्तिपूर्ण आन्दोलन गरिएको भए पनि हाम्रा कार्यकर्ताहरूलाई पक्राउ गरियो। हाम्रा नेता तथा केही कार्यकर्ताहरूलाई वक्फ संशोधन अधिनियम तथा भाजपाशासित राज्यहरूमा बंगाली प्रवासी श्रमिकहरूको उत्पीड़नको विरोधमा शान्तिपूर्ण विरोध गर्दा पक्राउ गरिएको छ। यदि उनीहरूलाई तत्काल रिहा गरिएन भने हाम्रो आन्दोलन अझ तीव्र हुनेछ।

बंगालको दक्षिण 24 परगना जिल्लास्थित भाँगड़ विधानसभा क्षेत्रको प्रतिनिधित्व गर्ने सिद्दीक़ी र अन्य कार्यकर्ताहरूलाई सार्वजनिक सम्पत्तिलाई नोक्सान पुऱ्याएको आरोपमा पक्राउ गरिएको छ। यो पक्राउ गए बुधवार वक्फ (संशोधन) अधिनियम, बंगाली भाषी प्रवासीहरूको उत्पीड़न र विशेष मतदाता सूची संशोधन प्रक्रियाको विरोधमा भएको विरोध-प्रदर्शन अवधि भएको हो।

हिन्दुस्थान समाचार / उष्णता छेत्री शर्मा