चतरा, 21 अगस्त (हि.स.)। चतरा जिल्लामा प्रतिबन्धित नक्सली संगठन भाकपा माओवादीका नक्सलीहरूले आफ्नो उपस्थिति र्दता गराउँदै दुई वटा वाहनमा आगो लगाइदिए। यो घटना लावालौंग थाना क्षेत्रमा भएको हो। नक्सलीहरूको उपस्थितिले क्षेत्रमा भय व्याप्त भएको छ।

प्राप्त जानारी अनुसार गए बुधवार राती लावालौंग थाना क्षेत्रको लेम्बोडिह विशनपुर गाउँमा माओवादीहरूको एक हुलले सतन गञ्झुको घरमा पुगेर उसलाई खोजिरहेका थिए। सतन लाई नपाएपछि घर बाहिर राखिएको ट्र्याक्टर र सवारी वाहनलाई आगो लगाइदिए। नक्सलीहरूले सतनको घरमा ताला पनि लगाइदिए। आगो लगाएपछि भाकपा माओबादी जिन्दावाद तथा लाल सलामको नारा पनि लगाइयो। घटनाको कारणले वरपरका मानिसहरू रातभरि भयभित भए।

सूत्र अनुसार भाकपा माओवादीका टप कमाण्डर मनोहर गञ्झुको टोलीले घटनालाई परिणाम दिएको हो। बिहीवार भोर बिहान जानकारी पाउनसात सिमरिया एसडीपीओ शुभम खण्डेलवाल र लावालौंग पुलिस घटनास्थलमा पुगेर मामिलाको जानकारी लिए अनि छेउछावमा धरपकड़ अभियान संचालन गरे।

लावालौंगलाई एक समयमा नक्सली संगठन टीपीसीको गढ़ मानिन्थ्यो भने यो संगठनको ब्लक अभेद किल्ला पनि थियो। तर केही टप कमाण्ड तथा संरक्षकहरूमाथि पुलिसले कारबाही गर्न थालेपछि संगठन कमजोर भयो। अब भाकपा माओवादी यस क्षेत्रमा आफ्नो वर्चस्व अनि शासन कायम गर्नको लागि आतंक फैलाउने दाउमा छ।

चतरा एसपी सुमित कुमार अग्रवालले भने, आगलागीको घटना भएको छ। सम्पूर्ण मामिलाको जाँच गरिँदैछ।

हिन्दुस्थान समाचार / उष्णता छेत्री शर्मा