सोनादा, 21 अगस्त (हि.स.)। रंगबुल कृषि फार्ममा बिहिवार रिसाइलेन्ट हिमालयस कम्युनिटी लेड ल्याण्डस्केप रेस्टोरेशन नामक परियोजनाको उद्घाटन गरियो। यस परियोजना अन्तर्गत क्षेत्रमा व्यापक मात्रामा वृक्षरोपण गरिएको छ, जसमा पहाडी क्षेत्रमा पाइने विभिन्न प्रजातिका वृक्षहरू सामेल छन्।
यो परियोजना विशेष गरी पहाडी क्षेत्रको पुनर्स्थापनामाथि केन्द्रित रहेको बताइएको छ। यो परियोजना क्षयग्रस्त भूमि पुनर्स्थापना गर्ने अनि पारिस्थितिक प्रणाली, वन्यजन्तु र स्थानीय समुदायको जीविकोपार्जन संरक्षणमा केन्द्रित रहेको छ। अशोका ट्रस्ट फर् रिसर्च इन् इकोलोजी एण्ड इन्भायरोमेन्ट, दार्जिलिङ र कृषि विभाग, जीटीएको सहकार्यमा यस परियोजनाको उद्घाटन जीटीएको कृषि विभागका कार्यकारी सभासद सतीश पोख्रेल र कृषि विभागका सह निर्देशक डब्ल्युबीएएस युनस लेप्चाको बाहुलीबाट उद्घाटन गरियो।
कार्यक्रममा एट्रीका सह-निर्देशक डा. नकुल छेत्रीले पुनर्स्थापना अनि वृक्षारोपणद्वारा भविष्यमा पुग्ने फाइदाहरूबारे आफ्नो वक्तव्य राखेका थिए। कार्यक्रमलाई वेस्ट बेङ्गाल एग्रिकल्चर सर्भिसका कृषि उपनिर्देशक युनुस लेप्चा अनि अन्यले सम्बोधन गरेका थिए।
कार्यक्रममा उपस्थित अतिथिहरूद्वारा वृक्ष रोपण पनि गरिएको थियो। यस अवसरमा समुदायको सहभागितामाथि विशेष ध्यानाकर्षण गरिएको एट्रीका सह-निदेशक डा. नकुल छेत्रीले पत्रकारहरुलाई जानकारी गराएका छन्।
हिन्दुस्थान समाचार / हनोक
