कोकराझार (असम), 21 अगस्त (हि.स.)। बोड़ोल्याण्ड टेरिटोरियल रिजन (बीटीआर) परिषद चुनाउको अधिसूचना घोषणा हुनपूर्व बोड़ोल्याण्ड टेरिटोरियल काउन्सिल (बीटीसी)- का उद्योग एवं वाणिज्य विभागीय कार्यकारी सदस्य सजल कुमार सिंहले प्रशिक्षित 4000 महिलाहरूलाई सिलाई मशिन वितरण गर्ने कार्य गत मंगलवार अबेर साँझदेखि शुरू गरेका छन्। यसै क्रममा उनले बिहीवार गुमा परिषद क्षेत्रको आलोकझार गाउँमा 270 जना महिलाहरूको हातमा सिलाई मशिन हस्तान्तरण गरियो।

उनले महिलाहरूलाई सिलाई मशिन हस्तान्तरण गर्दै भने, औद्योगिकीकरणको लागि विभागसित धेरै वटा योजनाहरू हुँदाहुँदै पनि आन्तरिक क्षेत्रमा जागरूकताको अभावमा हामी सरकारको जन कल्याणकारी योजनाहरूदेखि वञ्चित हुँदै आएका छन्। यतिका दिनसम्म उद्यम एवं वाणिज्य विभागबाट गाउँका मानिसहरूलाई अहिलेसम्म कुनै सुविधा प्राप्त भएको छैन।

उनले भने, यस विभाको नाम समेत कतिपय मानिसहरूले सुनेका छैनन्। तर मैले यस विभागको कार्यकारी सदस्यको जिम्मेवारी लिएपछि छह महिनाभित्रमा गाउँ-गाउँमा पुगेर जनताबीच जागरूकता फैलाउनको साथै विभागको कामकाजको सन्दर्भमा मानिसहरूलाई विस्तारपूर्वक अवगत गराउँदै आएको छु। विशेष रूपले व्यवसायी, लघु एवं कुटीर उद्योगहरूसित जोड़िएका उद्यमी पुरूष-महिला, मिस्त्री, कुम्हाले, कारीगर, शिल्पकार आदि कामसित जोड़िएका मानिसहरूको लागि नै यो योजना जसको लाभ उठाउनको लागि उनीहरूलाई प्रोत्साहित गरिएको छ।

उनले बताए, आगामी दुई दिनभित्रमा 4 हजार सिलाई मशिन वितरण गरिनेछ भने रहेकाहरूलाई चुनाउपछि विभागद्वारा वितरण गरिनेछ। आगामी दिनमा बीटीआरका पाँच वटा जिल्लामा सिलाई मशिन वितरण गर्ने कार्य पूरा गर्ने जानकारी पनि उनले दिए।

हिन्दुस्थान समाचार / उष्णता छेत्री शर्मा