कोलकाता, 21 अगस्त (हि. स.)। एघार वर्षको लामो प्रतीक्षा पश्चात अन्ततः सुन्दरबन टाइगर रिजर्भ (एसटीआर)-लाई ठूलो उपहार प्राप्त भएको छ। नेशनल बोर्ड अफ वाइल्डलाइफले यसको सीमा विस्तारको प्रस्तावलाई स्वीकृति दिएको छ। यसबाट सुन्दरबन देशको दोस्रो सबैभन्दा ठूलो टाइगर रिजर्भ बन्नेछ।

अहिलेसम्ममा सुन्दरबनको टाइगर रिजर्भ क्षेत्र 02 हजार 585 वर्ग किलोमीटरमा फैलिएको थियो जसलाई 01 हजार 44 पर्ग किलोमीटर बढ़ाएर 03 हजार 629 वर्ग किलोमीटर बनाइएको छ। यस विस्तार पश्चात पनि देशभरिमै सबैभन्दा विशाल टाइगर रिजर्भ आन्ध्र प्रदेशको नागार्जुन सागर-श्रीशैलम टाइगर रिजर्भ (03 हजार 727 वर्ग किमी)-नै रहनेछ।

नयाँ फसेला अन्तर्गत दक्षिण 24 परगना वन प्रभागका तीन वटा रेञ्ज क्रमैले रायदीघी, रामगंगा र मातलालाई सुन्दरबन टाइगर रिजर्भमा सामेल गरिनेछ। अहिलेसम्ममा यस रिजर्भमा चार वटा रेञ्ज क्रमैले राष्ट्रिय उद्यान–पूर्व, राष्ट्रिय उद्यान–पश्चिम, सजनखाली औ बसिरहाट सामेल थिए भने नयाँ जोड़िएको 1,044 वर्ग किमीको क्षेत्र “बफर जोन” घोषित हुनेछ।

यी तीनै वटा रेञ्जका जंगलहरूमा पहिलाबाटै उपस्थित बाघहरूलाई मिलाएर सुन्दरबनमा बाघहरूको संख्या 101 पुगेको छ। विशेषज्ञहरूको मान्यता छ, यस विस्तारबाट बाघ संरक्षणको लागि वैज्ञानिक प्रबन्धनले प्रोत्साहन पाउनेछ अनि वनकर्मीहरूलाई अझ राम्रो संसाधान र सुविधा प्राप्त हुनेछ।

राज्य वन विभागका एकजना अधिकारीले गए बुधवार राती बताए, बोर्डको स्वीकृति पश्चात अब राज्य सरकारले यो तय गर्नेछ कि नयाँ क्षेत्रमा कति भाग कोर जोन अनि कति बफर जोन हुनेछ। त्यसपछि अधिसूचना जारी गरी सुन्दरबन टाइगर रिजर्भव आधिकारिक रूपमा नयाँ स्वरूपमा उदाउनेछ।

हिन्दुस्थान समाचार / उष्णता छेत्री शर्मा