बाक्सा (असम), 21 अगस्त (हि.स.)। बोड़ोल्याण्ड टेरिटोरियल काउन्सिल (बीटीसी) परिषदको चुनाउलाई लिएर अञ्जली दैमारीको नेतृत्वमा अल्टर्नेटिभ पार्टी अफ बोडोल्याण्ड (एपीबी) सक्रिय भएको छ। एपीबीले बीटीआरका 14-देखि 20 वटा परिषदीय क्षेत्रहरूमा उम्मेद्वारिता गर्ने निर्णय लिएको छ।
बाक्सा जिल्लाको सालबाड़ी परिषद क्षेत्रमा नवगठित पार्टी एपीबीद्वारा उम्मेद्वारहरूको घोषणा चाँड़ै गरिनेछ। जिल्लाको सालबाड़ीस्थित आओहाटमा सालबाड़ी जिल्ला एपीबी समितिद्वारा आयोजिक एक पत्रकार सम्मेलनमा आगामी चुनाउको लागि पार्टीको तयारी सम्बन्धी जानकारी साझा गरियो।
बिहिवार मीडियालाई सम्बोधन गर्दै सालबाड़ी जिल्ला एपीबी अध्यक्ष अनिल ब्रह्मले भने, पछिल्लो 23 वर्षमा पनि बीपीएफ प्रमुख हग्राम महिलारी तथा यूपीपीएल प्रमुख प्रमोद बोड़ो क्षेत्रमा शान्ति एवं विकास ल्याउन सकेका छैनन्। यसलाई लिएर पार्टीले आरोप लगाउँदै चुनाउ लड़्नुको आफ्नो उदेश्य स्पष्ट पाऱ्यो। सालबाड़ी जिल्ला एपीबीका अध्यक्ष अनिल ब्रह्मले भने, प्रमोद बोड़ोको कार्यकालमा पनि बीटीआरमा शान्ति आउन सकेन। आज पनि पूर्व विद्रोही मानिसहरूले आँशु बगाइरहेका छन्।
उनले भने, मुख्यमन्त्री डा. हिमन्त बिस्व सरमाको डरले सबै मौन छन्। यस्तो शान्ति शान्ति होइन। उनले हग्रामा महिलारी र प्रमोद बोड़ोको आलोचना गर्दै भने, उनीहरूले बैठक एवं सभाहरूमा जुन किसिमको कुरा गर्दछन्, त्यसानुरूप काम गर्न सकिरहेका छैनन्। अध्यक्षले नवगठित एपीबी पार्टीका उम्मेद्वारहरूको सूची तयार भइसकेको जानकारी पनि दिए। उनले भने, चाँड़ै नै पार्टी हाईकमाण्डले उम्मेद्वाररहरूको सूची घोषणा गर्नेछ।
हिन्दुस्थान समाचार / उष्णता छेत्री शर्मा