महोबा, 21 अगस्त (हि.स.)। एसपी प्रबल प्रताप सिंहको निर्देशमा यातायात पुलिसले विशेष अभियान चलाएर स्कूली वाहनहरूको चेकिङ गऱ्यो। यस अवधि यातायात नियमहरूको पालन नगर्दा पाँच वाहनलाई सीज गरियो।

यातायात प्रभारी सुनील कुमार सिंहले बिहिवार बताए, नगरमा अलग-अलग स्थानहरूमा चेकिङ अभियान चलाइयो, जहाँ वाहनहरूको फिटनेस, परमिट, चालकको योग्यता, सीटिङ क्षमता, फर्स्ट-एड बक्स, अग्निशमन यन्त्र र सुरक्षा उपकरणहरूको गहनताले जाँच गरियो। अभियानमा 15 वाहनको जाँच गरियो, जसमा पाँच वाहनमा मानकहरूको उल्लंघन गरिएको पाइएपछि प्रभावी कारबाही गरियो।

यातायात प्रभारीले स्कूल वाहन संचालकहरूलाई भने, नानीहरू समाजका भविष्य हुन्। उनीहरूको सुरक्षा हाम्रो सर्वोच्च प्राथमिकता हो। चेकिङ अभियान निरन्तर जारी रहनेछ। अधिकृत वाहनलाई नै नानीहरूलाई ल्याउन-लैजानको निम्ति खटाइयोस्। अभिभावकले आफ्ना नानीहरूको सुरक्षालाई सर्वोपरि राखुन्। नानीहरूलाई केवल ती वाहनहरूमा पठाइयोस्, जुन पूर्ण रूपमा सुरक्षित होस् र जसमा सबै मानकहरू पूरा गरिएको होस्। कुनै प्रकारको पनि लापरवाही अदेखा नगरियोस्।

हिन्दुस्थान समाचार / भवानी थामी