गोलाघाट, 21 अगस्त (हि.स.)। गोलाघाट जिल्लाको देरगाउँ क्षेत्रमा पतिद्वारा धारिलो हतियारले प्रहार गरी पत्नीको हत्या गरिएको मामिला अघि आएको छ।

पुलिसले बिहिवार बताएको छ, देरगाउँको बूढ़ागाउँ क्षेत्रमा रिंकू फुकन नाम गरेको व्यक्तिले आफ्नी पत्नी देवीका फुकनमाथि धारिलो हतियारले हमला गरी गम्भीर रूपमा घाइते बनायो। जसले गर्दा देविकाको घटनास्थलमै मृत्यु भयो। पत्नीको मृत्युपछि रिंकूले पुलिस थानामा पुगेर आत्मसमर्पण गऱ्यो।

घटनाको जानकारी पाउनसाथ घटनास्थलमा पुगेको पुलिस टीमले मृत महिलाको शवलाई आफ्नो कब्जामा लिएऱ पोस्टमार्टमको निम्ति अस्पताल पठायो। पत्नीको हत्याको आरोपमा पुलिसले रिंकूलाई पक्राउ गऱ्यो।

प्रारम्भिक जाँचमा पारिवारिक कलहको कारण रिंकूले आफ्नी पत्नीको हत्या गरेको कुरा अघि आएको छ। पुलिसले यस सम्बन्धमा एक प्राथमिकी दर्ता गरी पक्रा परेको आरोपीसित सघन सोधपुछ गरिरहेको छ।

हिन्दुस्थान समाचार / भवानी थामी