तामुलपुर (असम), 21 अगस्त (हि.स.)। तामुलपुर जिल्लाको औगुरी (महरिपारा) औ कारिपारा (भोगपुर) गाउँमा अफ्रिकन स्वाइन फिभर (एएसएफ)- को मामिला सामु आएपछि जिल्ला प्रशासनले विशेष कदम उठाएको छ।

जिल्ला आयुक्त एवं जिल्ला दण्डाधिकारी पंकज चक्रवर्तीले भारतीय न्याय संहिताको धारा 163 अन्तर्गत आदेश जारी गर्दै प्रभावित गाउँहरूदेखि एक किलोमीटरको घेराभित्र सबै सुँगुरहरूलाई मार्ने निर्देश दिएका छन्। यो कारबाही उपविभागीय पशुपालन एवं चिकित्सा विभागको सिफारिसमा गरिएको हो।

आदेशमा स्पष्ट गरिएको छ, संक्रमित गाउँंहरूबाट सुँगुर र योसित सम्बन्धित उत्पादहरूको परिवहनमाथि प्रतिबन्ध लगाइएको छ, सार्वजनिक स्थल एवं बजारहरूमा सुँगुरको मासु बेच्नु प्रतिबन्ध लगाइएको छ तथा सुँगुरहरूको शवलाई खुल्ला स्थान, कुड़ादान, नदी वा तलाउमा फाल्न रोक लगाइएको छ।

जिल्ला दण्डाधिकारीले ग्रामीणहरूसित सतर्क रहने अपील गर्दै भनेका छन्, यदि कतै अफ्रिकन स्वाइन फिभरको नयाँ मामिला सामु आए तुरून्त पशु चिकित्सा विभाग एवं जिल्ला प्रशासनलाई सूचित गरियोस्। साथै सुँगुर वध प्रक्रियामा सामेल पशु चुकित्सा विभागीय अधिकारी एवं कर्मचारीहरूको सुरक्षा सुनिश्चित गर्नको लागि वरिष्ठ पुलिस अधीक्षकलाई निर्देश दिइएको छ।

यस अतिरिक्त जन स्वास्थ्य अभियान्त्रिकी विभागलाई प्रभावित क्षेत्रहरूको सफाई अनि संक्रमणको रोकथामको लागि पर्याप्त मात्रामा चुना, ब्लिचिंग पाउडर आदि उपलब्ध गराउन भनिएको छ।

हिन्दुस्थान समाचार / उष्णता छेत्री शर्मा