कोलकाता, 22 अगस्त (हि. स.)। पश्चिम बंगालमा आशाकर्मीहरू आफ्नो लम्बित मागहरूलाई लिएर शुक्रवार सड़कमा उत्रिए। उनीहरूको ‘कालीघाट जाऔं’ ऱ्यालीलाई पुलिसले रासबिहारी मोड़ नजिक रोक्यो जसकारण त्यहाँ व्यापक जाम लाग्यो अनि आम यात्रीहरूलाई ठूलो समस्याको सामना गर्नुपऱ्यो।

शुक्रवार आयोजित यस विरोध ऱ्यालीमा सयकड़ौं आशाकर्मीहरू सामेल भए। उनको मुख्य माग हो, उनीहरूलाई पनि सरकारी कर्मचारीहरू सरह सम्मान तथा सुविधा दिइयोस्। यसको साथै उनीहरूले वेतन वृद्धि, बिमारीको स्थितिमा मेडिक्लेम सुविधा एवं पीेफ जस्तो सामाजिक सुरक्षा योजनाहरूको लाभ अनि मातृत्व अवकाश लागू गर्ने माग गरे।

आशाकर्मीहरूको जुलूसले गर्दा हाजरादेखि रासबिहारीसम्म सड़कमा यातायात पूर्ण रूपले बाधित रह्यो। वर्षाको कारणले पहिला नै यातायातको गति मन्द भएको थियो, त्यैमाथि ऱ्यालीको कारणले यात्रीहरूलाई गम्भीर समस्याहरूको सामना गर्नुपऱ्यो।

स्थितिलाई नियन्त्रण गर्नको लागि प्रशासनले सतर्कता अप्नायो। सड़कमा केही ब्यारिकेडिंग गरियो तथा अतिरिक्त पुलिस बललाई तैनाथ गरियो ताकि कुनै प्रकारको अव्यवस्था नफैलियोस्।

हिन्दुस्थान समाचार / उष्णता छेत्री शर्मा