पञ्चसायर आवासबाट 74 वर्षीय महिलाको हात-खुट्टा बाँधिएको रगताम्मे शव भेटियो
पञ्चसायर आवासबाट 74 वर्षीय महिलाको हात-खुट्टा बाँधिएको रगताम्मे शव भेटियो


कोलकाता, 22 अगस्त (हि.स.)। दक्षिण कोलकाताको न्यू गड़िया क्षेत्रमा शुक्रवार बिहान एक बहुतले आवासबाट 74 वर्षीय महिलाको संदिग्ध अवस्थामा शव भेटियो। मृतकाको पहिचान विजया दासको रूपमा भएको छ। शवको हात-खुट्टा बाँधिएको थियो भने मुखमा सेलोटेप टाँसिएको थियो।

प्राप्त जानकारी अनुसार बिहान घरेलु सहायिका घरमा काम गर्न पुग्दा उसले महिलालाई रगताम्मे अवस्थामा मृत पाइन्। महिलाको चित्कार सुनेर छिमेकीहरू त्यहाँ पुगे अनि तुरून्त पलिसलाई घटनाको सूचना दिए। घटनास्थलमा पुगेका पुलिस अधिकारीहरूले सम्पूर्ण फ्ल्याटलाई घेरेर जाँच शुरू गरे।

भनिन्छ, मृतका आफ्नो बिमार पतिसित सोही फ्ल्याटमा बस्थिइन्। घटना घट्दा पति घरमै थिए जोसित पुलिसले जाँचबुझ गरिरहेको छ। पुलिसले अनुमान व्यक्त गरेको छ, महिलाको टाउकोमा कुनै भारी वस्तुले प्रहार गरेर हत्या गरिएको हुनसक्छ। शवलाई पोस्टमर्टम गर्नको लागि पठाइदिएको छ। पुलिसले वरपरका सीसीटीभी क्यामराको फुटेज जाँच गरिरहेको छ।

हिन्दुस्थान समाचार / उष्णता छेत्री शर्मा


 rajesh pande