सिलगढ़ी, 22 अगस्त (हि. स.)। शहरको तिलक रोडस्थित एक नर्सिंग होममा आगो लागेर कोकोहोलो मच्चियो। घटनाको जानकारी पाउनसाथ दमकलको एउटा इञ्जन घटनास्थलमा पुगेर आगोलाई निभायो। घटनाको सूचनामा पानीट्याङ्की चौकीको पुलिस अनि बिजुली विभागीय कर्मचारीहरू पनि घटनास्थलमा पुग्यो।

सूत्र अनुसार छतमा जड़ान गरिएको सोलर प्यानलमा शर्ट सर्किट भएपछि धुँवा उठ्नथाल्यो जसपश्चात केही समयपछि आगोको झिल्का देखिन थाल्यो। आगलागीको खबर फैलिनसाथ रोगी तथा उनीहरूका परिवारहरूमा भाग-दौड़ मच्चियो। तथापि दमकल कर्मीहरूले द्रूत गतिमा कारबाही गर्दै आगोलाई नियन्त्रण गरे।

दमकल विभागको तर्फबाट बताइयो, छतमा जड़ान सोलर प्यानलमा शर्ट सर्किटको कारण आगो लागेको थियो। हाल आगो नियन्त्रणमै छ। घटनामा कुनै प्रकारको नोक्सान भएको छैन। सम्पूर्ण मामिलाको जाँच गरिँदैछ।

हिन्दुस्थान समाचार / उष्णता छेत्री शर्मा