इटानगर, 22 अगस्त (हि.स.)। कठिन परिस्थितिमा साहस एवं करुणाको परिचय दिँदै गजराज कर्प्सको भारतीय सेनाको टुकड़ीले गत 20/21 अगस्तको अबेर राती अरूणाचल प्रदेशको दुर्गम आरआर हिल क्षेत्रमा एक साहसिक बचाउ अभियान संचालन गऱ्यो।

भारतीय सेनाको सूत्रले आज बताएको छ, बोमडिला थानाका एकजना पुलिसकर्मी गम्भीर रूपमा घाइते भएको थियो। उनको टाउकोमा चोट लागेको थियो। सूचना पाउनसाथ सेेनाको टीम राती अँध्यारोमा घना जंगल तथा चुनौतीपूर्ण मार्गबाट गुज्रेर घटनास्थलमा पुग्यो। त्यहाँ प्राथमिक उपचार गरेपछि घाइते पुलिसकर्मीलाई सुरक्षित रूपमा तेजपुर पुऱ्याइयो जहाँ उनको उन्नत उपचार भइरहेको छ।

यस तत्काल तथा समन्वित मानवीय प्रयासले एकजनाको ज्यान मात्र बचाएन जबकि सेना, पुलिस एवं नागरिक प्रशासनबीच आपसी सहयोगको भावना पनि उजागार भयो। यो घटना भारतीय सेनाको सेवा परमो धर्मः -को मूल्यलाई दर्शाउँछ जहाँ वीरता, करूणा तथा मानवताप्रति प्रतिबद्धता सर्वोपरी रहन्छ।

भारतीय सेनाले घाइते पुलिसकर्मीको शीघ्र स्वास्थ्य लाभको कामना गरेको छ। यस अभियानले एकपटक फेरि साबित गरेको छ कि सेना पूर्वोत्तरका मानिसहरूको लागि आश्वासन र सशक्ताको स्तम्भ हो।

हिन्दुस्थान समाचार / उष्णता छेत्री शर्मा