कोलकाता, 22 अगस्त (हि. स.)। कोलकाताका यात्रीहरूको लागि ठूलो राहतको खबर छ। शुक्रवार साँझ 6 बजेदेखि ग्रीन लाइनमा हावड़ा मैदानदेखि सल्टलेक सेक्टर फाइभसम्म मेट्रो सेवा शुरू हुनेछ। प्रधानमन्त्री नरेन्द्र मोदीले शुक्रवार तीन वटा नयाँ मेट्रो रूटको औपचारिक उद्घाटन गर्नेछन् जसको तुरून्तपछि यस रूटमा आम यात्रीहरूको आवागमन सम्भव हुनेछ।

मेट्रो प्राधिकरणले गए बिहीवार राती एक आधिकारिक बयान जारी गरी भन्यो, ग्रीन लाइनमा हावड़ा मैदानदेखि सेक्टर फाइभबीच शुक्रवारदेखि यात्रा शुरू गरिनेछ। शनिवारदेखि यस रूटमा नियमित सेवा बिहान 6:30 बजेदेखि राती 10:19 बजेसम्म पाइनेछ। यसरी नै अरेञ्ज लाइन अर्थात कवि सुभाषदेखि बेलघाटासम्मको मेट्रो सेवा आगामी सोमवार 25 अगस्तदेखि शुरू हुनेछ। यस मार्गमा ट्रेनहरूको संचालन बिहान 8 बजेदेखि साँझ 8:28 बजेसम्म हुनेछ। यसै दिनदेखि यल्लो लाइनमा नोआपाड़ादेखि जय हिन्द एयरपोर्ट सम्म पनि मेट्रो सेवा शुरू गरिनेछ जहाँ यात्रीहरूले बिहान 7:58 बजेदेखि राती 8:10 बजेसम्म यात्रा गर्न सक्नेछन्।

मेट्रो सूत्र अनुसार हावड़ा मैदानदेखि सेक्टर फाइभबीच प्रतिदिन 186 सेवा उपलब्ध हुनेछ। नोआपाड़ादेखि एयरपोर्ट रूटसम्म 120 सेवा पाइनेछ भने कवि सुभाषदेखि बेलघाटा रूटमा प्रतिदिन 60 सेवा परिचालन हुनेछ। अधिकारीहरूको भनाइ छ, बेलघाटा रूटदेखि बाईपास क्षेत्रसित गाँसिएको ठूलो अस्पतालसम्म रोगी तथा उनीहरूको परिवारको पहुँच अझ सहज हुनेछ। तथापि उत्तर-दक्षिण मेट्रो रूटमा कवि सुभाष स्टेशनसम्म सेवा बन्द रहेको कारणले यस समय रूबीदेखि न्यू गड़ियाबीच दैनिक यात्रीहरूको संख्या घटेर लगभग 15 सय पुगेको छ।

हिन्दुस्थान समाचार / उष्णता छेत्री शर्मा