मालदा, 22 अगस्त (हि. स.)। जिल्लामा एउटै परिवारका तीनजना महिला सदस्यहरूको मृत्यु भएको आश्चर्यचकित घटना सामु आएको छ। यो घटना गए बिहीवार राती वैष्णवनगर थाना क्षेत्रको चकबहादुरपुर गाउँमा भएको हो। मृतकहरूमा पुष्पा मण्डल (65), बुल्की मण्डल (35)र पियू मण्डल (10)- सामेल छन्।
प्राप्त जानकारी अनुसार परिवारका नौजना सदस्यहरू एकसाथ भोट गर्दछन्। भोजन र पानी ग्रहणगरेपछि तीनजना सदस्यहरू अचानक बिमार भए। पहिला उनीहरूलाई वैष्णवपुरको बदोराबाद ग्रामीण अस्पतालमा लगियो। स्थिति बिग्रिएपछि उनीहरूलाई मालदा मेडिकल कलेज एवं अस्पतालमा रेफर गरियो। अस्पताल लैजाने क्रममा नाबालिक पियू मण्डलको बाटोमै मृत्यु भयो भने अन्य दुईजनाको उपचारको क्रममा मृत्यु भयो।
यस घटनामा परिवारको दाबी छ, घरको ट्यूबवेलको पानी वा भोजनको विषाक्तताबाट यो मृत्यु भएको हो। पुलिसको शुरूआती जाँचमा यही संकेत पाइएको छ। यहाँ एउटा गम्भीर प्रश्न के छ भने एउटै भोजन र पानी परिवारका नौजना सदस्यहरूले एकैसाथ ग्रहण गरेपछि तीनजनाको मात्र किन मृत्यु भयो? केयो आत्महत्याको मामिला हो वा यसको पछाड़ि कुनै कारण लुकेको छ?
मालदाका पुलिस अधीक्षक प्रदीप कुमार यादवले शुक्रवार बताए, एउटै परिवारका तीनजना सदस्यहरूको असामान्य मृत्यु भएको छ। शवहरूलाई पोस्टमर्टम गर्नको लागि पठाइएको छ र रिपोर्ट आएपछि वास्तविक कारण स्पष्ट हुनेछ। हाल जाँच जारी छ।
---------------
हिन्दुस्थान समाचार / उष्णता छेत्री शर्मा