शिलंग, 22 अगस्त (हि.स.)। पूर्वी खासी हिल्स जिल्ला प्रशासनले बंगलादेश सीमा संलग्न एक किलोमीटर क्षेत्रमा नाइट कर्फ्यू लागू गर्ने आदेश जारी गरेको छ। यो कदम सीमा पारी अपराध तथा अनुप्रवेशमाथि लगाम लगाउने उदेश्यले उठाइएको हो।

जारी आदेश अनुसार भारतीय नागरिक सुरक्षा संहिता (बीएनएसएस)- को धारा 163 अन्तर्गत राती 8 बजीदेखि बिहान 6 बजीसम्म आमजनको आवागमन पूर्ण रूपले प्रतिबन्धित रहनेछ। बंगलादेशमा प्रवेश गर्ने अथवा अवैध रूपमा भारतमा प्रवेश गर्ने प्रयासहरूमाथि कड़ा रोक हुनेछ। यसको साथै पाँच वा त्योभन्दा अधिक मानिसहरू भेला हुनु, सम्भावित हतियार राख्ने तथा तस्करीसित सम्बन्धित गतिविधिहरूलाई पनि प्रतिबन्धित गरिएको छ।

अधिकारीहरूले बताए, यस सीमा क्षेत्रमा प्रायः जसो गाई-गोरू, अवैध वस्तु, सुपारी, पान पत्ता, सुक्खा माछा, बिड़ी, सिगरेट तथा चिया पत्ती तस्करीको माध्यमबाट ल्याइन्छ।

बंगलादेशको वर्तमान परिस्थितिलाई आधारमा प्रशासनले आशंका व्यक्त गरेको छ, उग्रवादी संगठन, तस्कर औ संगठित आपराधिक नेटवर्कले अनुप्रवेश गर्ने प्रयास गर्नसक्छ। पूर्वी खासी हिल्सको यो सीमालाई अत्यधिक संवेदनशील मानिन्छ जहाँ सुरक्षा अनि शान्ति व्यवस्थाको लागि कड़ा निगरानी आवश्यक छ।

हिन्दुस्थान समाचार / उष्णता छेत्री शर्मा