नयाँ दिल्ली, 22 अगस्त (हि.स.)। वरिष्ठ पुलिस अधिकारी सतिश गोलचाले शुक्रवार दिल्लीको 26औं पुलिस आयुक्तको रूपमा कार्यभार सम्हाले। उनी यस पदमा अप्रेल 2027 सम्म सेवारत रहनेछन्। उनले एसबीके सिंहको स्थान लिएका हुन् जो 21 दिनसम्म यस पदमा रहनेछन्। अरुणाचल प्रदेश-गोवा-मिजोरम औ केन्द्रशासित प्रदेश (एजीएमयूटी) क्याडरको 1992 ब्याचका अधिकारी गोलचाले दिल्ली पुलिस मुख्यालयमा कार्यभार ग्रहण गरे।
पुलिस मुख्यालयबाट प्राप्त जानकारी अनुसार गृहमन्त्रालयले बिहीवार नियुक्तिको आदेश जारी गरेको थियो। यो आदोश दिल्लीकी मुख्यमन्त्री रेखा गुप्तामाथि बुधवार उनको सिभिल लाइन्सस्थित कार्यालयमा आयोजित एक जनसुनवाई अवधि भएको हमलापछि आएको हो। तथापि अधिकारीहरूले स्पष्ट पारे, यस नियुक्तिको हमलासित कुनै सम्बन्ध छैन।
उल्लेखनीय छ, 1988 ब्याचका अधिकारी एसबीके सिंहको दिल्ली पुलिस प्रमुखको रूपमा कार्यकाल सबैभन्दा छोटो रहेको छ। सिंहले सञ्जय अरोड़ाको सेवानिवृत्तिपछि 1 अगस्तमा पदभार ग्रहण गरेका थिए। हाल उनलाई कुनै पद दिइएको छैन।
हिन्दुस्थान समाचार / उष्णता छेत्री शर्मा