बीरभूम, 22 अगस्त (हि.स.)। पश्चिम बंगालको प्रसिद्ध शक्तिपीठ तारापीठमा कौशिकी औंसीको अवसरमा श्रद्धालुहरूको व्यापक भीड़ उर्लिने सम्भावना छ। मन्दिर समितिले अनुमान व्यक्त गरेको छ, यस वर्ष लगभग चार-पाँच लाख श्रद्धालुहरू दर्शन गर्नको निम्ति आउन सक्नेछन्। यसैलाई मध्यनजर गर्दै जिल्ला प्रशासनले सरक्षा अनि भीड़लाई नियन्त्रण गर्नको लागि व्यापक तयारी गरेको छ।

आधिकारिक जानकारी अनुसार मन्दिर परिसर एवं वरपरका क्षेत्रहरूमा लगभग 01 हजार पुलिसकर्मी, 17 सय सिभिक भोलन्टियर तथा लगभग 3 सय राज्य पुलिस अधिकारीहरूलाई तैनाथ गरिएको छ। यसको साथै 01 सय 75 निजी सरक्षा गार्डलाई पनि सुरक्षा व्यवस्थामा खटाइएको छ। भीड़ तथा यातायातमाथि नियन्त्रण गर्नको लागि 37 वटा ड्रप गेट बनाइएको छ भने निगरानीको लागि दश वटा अस्थायी वाच टावर बनाइएको छ।सम्पूर्ण क्षेत्रमा दुईसयभन्दा अधिक सीसीटीभी क्यामरा जड़ान गरिएको छ भने मुख्य प्रवेश द्वारमे मेटल डिटेक्टर गेट स्थापना गरिएको छ।

कौशिकी औंसीको तारापीठमा विशेष धार्मिक महत्व रहिआएको छ। मान्यता छ, यस राती महाश्मशानको श्वेतशिमुल वृक्षमुनि साधक बामदेवलाई माता ताराको दर्शन भएको थियो। यस अवसरमा देशभरिका साधक अनि श्रद्धालहरू यहाँ आउँछन् अनि महाश्मशानमा विशेष तान्त्रिक अनुष्ठान तथा यज्ञ गरिन्छ।

हिन्दुस्थान समाचार / उष्णता छेत्री शर्मा