गुवाहाटी, 22 अगस्त (हि.स.)। श्री गणेश जन्मोत्सव समिति- दिसपुर एवं श्री गणेश मन्दिर ट्रस्टको सहयोगबाट राजधानीको दिसपुरस्थित श्री गणेश मन्दिर प्रांगण औ श्री गणेश उद्यानमा श्री गणेश जन्मोत्सव मनाउने तयारी गरिएको छ। यस वर्ष स्वर्ण जयन्तीको वर्ष भएको कारमले आगामी 26-27 अगस्तमा दुई दिवसीय कार्यक्रम अन्तर्गत समारोह आयोजना गरिनेछ जसमा मुम्बईको लालबागको राजाको थीममाथि वार्षिक उत्सवको 50 वर्षको यात्रालाई चिन्हित गर्न अतिरिक्त कार्यक्रम पनि सामेल रहेको छ।
गुवाहाटीको दिसपुर प्रेस क्लबमा शुक्रवार सम्वाददाता सम्मेलनलाई सम्बोधन गर्दै आयोजक समितिका अध्यक्ष अशोक गोयलले बताए, पहिलो दिन, 26 अगस्तमा एक सम्मान समारोह आयोजना गरिनेछ जसमा एक स्मारिका विमोचन गरिनेछ साथै आयोजन समितिका संस्थापक तथा वर्तमान सदस्यहरूलाई यस आयोजनमा उनको योगदानको लागि सम्मानित गरिनेछ। अपरान्ह राज्यका लोक कलाकारहरूद्वारा रौमारी धूलिया भावना- को प्रदर्शन गरिनेछ। साँझ दिल्लीको एक प्रसिद्ध नाट्य समूहले एक पौराणिक नाटक प्रस्तुत गर्नेछ। दोस्रो दिन, 27 अगस्तमा हरेक वर्ष झैं सामान्य कार्यक्रम जारी रहनेछ, बिहान 10.30 बजी पूजन, अपरान्ह 12.15 बजे महाआरती औ त्यसपछि भक्तहरूद्वारा 51 सवामणीको महाभोग। सोही दिन साँझ प्रसिद्ध कलाकार सुभाष नाथ नगाड़ाले नाम प्रस्तुत गर्नेछ जुन यस आयोजनको अर्को थप आकर्षण हुनेछ।
सचिव अनुपम अग्रवालले बताए, शहरभरिका भक्तगण स्वर्ण जयन्ती समारोहलाई लिएर धेरै उत्साहित छन् तथा शान्तिपूर्ण आयोजनको लागि हरसम्भव प्रयास गरिरहेको छ। मन्दिर परिसरमा वातानुकूलन, गणेशगुड़ीदेखि मन्दिर र लास्ट गेट सर्कलसम्म प्रकाश व्यवस्था, दर्शनार्थीहरूको लागि पानी, खिचड़ी तथा खीर प्रसादको उचित व्यवस्था गरिँदैछ।
हिन्दुस्थान समाचार / उष्णता छेत्री शर्मा