नयाँ दिल्ली, 22 अगस्त (हि.स.)। राजधानी दिल्लीमा पछिल्लो पाँच दिनभित्रमा पाँच वटा स्कूलहरूलाई बमले उड़ाउने धम्की दिएको छ। शुक्रवार बिहान पनि तीन वटा स्कूलहरूलाई बमले उड़ाउने धम्की प्राप्त भयो। यो धम्की शुक्रवार बिहान ई-मेल मार्फत द्वारका, पितमपुरा र नजफगढ़स्थित स्कूलमा पठाइएको थियो।
सूचना पाउनसाथ स्थानीय पुलिस, बम स्क्वायड तथा दमकल विभागका कर्मचारीहरूले घटनास्थलमा पुगेर सर्च अपरेशन संचालन गरे। तर खोजी अवधि कुनै पनि स्कूलबाट कुनै पनि प्रकारको विस्फोटक प्राप्त भएन। त्यसपछि पुलिसले सूचनालाई नक्कली बतायो। दिल्ली पुलिसको साइबर सेलले मेल जाँच शुरू गरेको छ। पुलिसले मेल पठाउने आईपी एड्रेसको पत्तो लगाइरहेको छ।
पुलिस एवं दमकल विभाग अनुसार पहिलो कल शुक्रवार बिहान 7.05 बजे द्वारकास्थित म्याक्स पब्लिक स्कूललाई मेल आयो। त्यसपछि 8.30 बजे पीतपुरास्थित स्कूलबाट बमको कल आयो। तेस्रो कल 9.55 बजे नजफगढ़ पुलिस स्टेशनलाई प्राप्त भएको थियो। पुलिस अधिकारीहरूको भनाइ छ, सूचना पाएपछि सबै स्कूलहरूमा जाँच गरियो, तर कुनै पनि स्कूलमा केही पनि संदिग्ध वस्तु भेटिएन।
हिन्दुस्थान समाचार / उष्णता छेत्री शर्मा