मालदा, 22 अगस्त (हि. स.)। जिल्लाको पंचानन्दपुर फायरिंगकाण्डमा पुलिसले एकजना आरोपीलाई पक्राउ गरेको छ। पक्रा पर्ने युवकको पहिचान निरञ्जन साहा उपनाम बुरा (18), निवासी पंचानन्दपुर अलाडिटिला, थाना मोथाबाड़ीको रूपमा भएको छ। यस मामिलाका मुख्य आरोपी नसीरुद्दीन अहमद उपनाम राजाको सहयोगी बताइँदैछ।
मालदा जिल्लाका एसपी प्रदीप यादवले शुक्रवार साँझ बताए, घटना अवधि निरञ्जन साहा घटनास्थलमा उपस्थित थिए भने अन्य मानिसहरूलाई आफूसितै घटनास्थलमा ल्याएको थियो। जाँचबुझमा आरोपीले आफ्नो अपराधलाई स्वीकार गरेको छ। उसलाई पुलिस हिरासतमा लिइएको छ।
स्मरण गराइन्छ, यो घटना गत 18 अगस्तको राती इट्टा बजार, पंचायत क्षेत्र पंचानन्दपुर थाना मोथाबाड़ीमा भएको थियो। त्यसबेला नसिरुद्दीन अहमद उपनाम राज (26), निवासी लहारडिटोलाको झगड़ा अब्दुल सईद (21), निवासी सकुल्लापुर कलोनी र अन्य युवकहरूसित भयो। बहस भइरहेको बेला राजले अब्दुल सईदमाथि गोली चलायो जसले उ गम्भीर रूपमा घाइते भयो। घाइतेलाई पहिला बंगिटोला अस्पतालमा लगियो, त्यसपछि मालदा मेडिकल कलेज एवं अस्पतालमा रेफर गरियो जहाँ उसको उपचार भइरहेको छ।
प्राथमिक जाँचमा थाहा लागेको छ, आरोपी र पीड़ित एका-अर्कासित परिचित थियो भने प्रायजसो सँगै बस्थे। घटना घटेको दिन दुवै एकसाथ घटनास्थलमा आएका थिए, तर कुनै कुरालाई लिएर उनीहरूबीच झगड़ा भयो।
मुख्य आरोपी नसीरुद्दीन अहमदको जाँचमा पुलिसको छापामारी जारी छ। साथै घटनामा प्रयोग भएको अवैध हतियारलाई जफत गर्ने प्रयास गरिँदैछ। यस मामिलामा एक विशेष मामिला दर्ता गरिएको छ।
हिन्दुस्थान समाचार / उष्णता छेत्री शर्मा