बाड़मेर, 22 अगस्त (हि.स.)। सदर थाना क्षेत्रको हाथीतला टोलमा बिहिवार राति एक सनसनीपूर्ण घटना घट्यो, जहाँ बदमाशहरूले एक युवकलाई निर्ममतापूर्वक कुटेर उसको नाक काटे। घाइतेलाई गम्भीर अवस्थामा अस्पताल लगियो, जहाँबाट उसलाई जोधपुर रेफर गरियो। घाइते युवकको पहिचान सनावड़ा निवासी भूराराम पुत्र लाखारामको रूपमा गरिएको छ। वस्तुतः उसको आफन्त रेंवतारामले 10 अस्तमा एक विवाहितालाई आफूसित लगेर भागेको थियो।

युवतीको परिवारलाई शंका थियो कि भूरारामले रेंवतारामको मद्दत गरेको थियो। यही शंकाको कारण बिहिवार राति युवतीको भाई र उसका आफन्तहरूले भूराराममाथि हमला गरे। आक्रमणकारीहरूले पहिले भूरारामलाई जमेर कुटे औं पछि धारिलो हतियारले उसको नाक काटे। घटनापछि घटनास्थलमा पुगेको पुलिसले घाइतेलाई तुरन्तै बाड़मेर जिल्ला अस्पताल पुऱ्यायो, जहाँबाट उसलाई गम्भीर अवस्थामा जोधपुर रेफर गरियो। पुलिस जाँचमा थाहा लाग्यो कि युवतीको बिहे केवल चार महिना अगाड़ी भएको थियो। हालमा उ माइता आएकी थिइ। पति मन नपरेको कारण उसको आफ्नो परिचितसित सम्पर्क भयो र दुवै घरबाट भागे। यस मामिलामा युवतीका परिजनहरूले सदर थानामा मानिस हराएको मामिला दर्ता गराएका थिए। कोतवाली थाना इन्चार्ज बलभद्र सिंहले बताए, घाइते भूरारामको बयान लिइएको छ। आरोपीहरूलाई पक्राउ गर्न पुलिसको अलग-अलग टीमलाई खटाइएको छ।

हिन्दुस्थान समाचार / भवानी थामी