गान्तोक, 22 अगस्त (हि.स.)। मुख्यमन्त्री प्रेमसिंह तामाङले आज सिक्किम अमेचुअर ताइक्वाण्डो एसोसिएशनको टोलीसॅंग भेट गरे। टोलीको अगुवाई सङ्घका मुख्य प्रशिक्षक त्रिलोक सुब्बा र प्रशिक्षण दिपेन राईले गरेका थिए। उक्त जानकारी मुख्यमन्त्रीले आज सामाजिक सञ्जाल फेसबुक पोस्टमा दिएका छन्।

सङ्घका खेलाडीहरूले आगामी 28 अगस्तदेखि 2 सेप्टेम्बर, 2025 सम्म ओडिशाको कटकमा आयोजना भइरहेको चौथो सब-जुनियर र सिनियर नेशनल ताइक्वाण्डो च्याम्पियनशिपमा सिक्किमलाई प्रतिनिधित्व गरिरहेकोमा मुख्यमन्त्रीले खुशी व्यक्त गरेका छन्। उनले सबै प्रतिभागीहरूलाई शुभकामना दिएका छन्।

मुख्यमन्त्रीले भने, 'उनीहरूको समर्पण, अनुशासन र दृढता साँच्चै प्रशंसनीय छ, र मलाई दृढ विश्वास छ कि उनीहरूले हाम्रो राज्यको लागि गौरव मात्र ल्याउने छैनन् तर युवा पुस्ताका लागि प्रेरणाको स्रोत पनि बन्नेछन् र उनीहरूलाई अनुशासन, असल आचरण र स्वस्थ बानीहरू अँगाल्न प्रेरित गर्नेछन्।'

टोलीले उत्कृष्टताका साथ आफ्नो प्रतिभा प्रदर्शन गर्नेछ र हामी सबैलाई गौरवान्वित तुल्याउने छन् भनी मुख्यमन्त्रीले विश्वास पनि व्यक्त गरेका छन्।

हिन्दुस्थान समाचार / बिशाल