दतिया, 23 अगस्त (हि.स.)। मध्य प्रदेशको दतिया जिल्लामा 16 वर्षीय नाबालिक छात्रासित सामूहिक दुष्कर्म भएको मामिला प्रकाशमा आएको छ। छात्राको आरोप छ, उसको आफन्तले आफ्ना चार जना साथीहरूसित मिलेर जंगलमा उसित पालै-पालो दुष्कर्म गऱ्यो। घटनाको भीडियो बनाएर आरोपीले भाइरल गरिदिने धम्की पनि दियो। घटना गए शुक्रवारको हो। अबेर राति पीड़िताले सिभिल लाइन थानामा पुगेर सिकायत दर्ता गराई। छात्राको सिकायतपछि पुलिसले पोक्सो एक्ट अन्तर्गत मामिला दर्ता गरेको छ। मामिलामा एक जना आरोपीलाई पक्राउ गरिएको छ भने अन्य आरोपीहरूलाई खोजिरहेको छ।

पुलिस मुताविक 16 वर्षीय नाबालिक एघारौं श्रेणीकी छात्रा हो। उसले पुलिसलाई बताई, गए शुक्रवार उ कपड़ा खरिद गर्नको लागि दतिया गएकी थिई। यसै अवधि उसको भेट उसकी छ्यामाको नन्दको छोरा र उसका साथीहरूसित भयो। दुवैले उसलाई स्कुटीमा बसाएर उड़्नु टोरिया क्षेत्रको जंगलमा पुऱ्यायो। जंगलमा पहिलाबाटै तीन जना युवकहरू बसिरहेका थिए। तीनै जनाले पालै-पालो उसित दुष्कर्म गरे जसपश्चात अन्य दुईले पनि उसलाई डर एवं धम्की देखाएर यस्तो घृणित काम गरे।

पीड़िताले बताई, यस अवधि आरोपी युवकहरूमध्ये एक जनाले भीडियो बनायो। पछि आरोपीहरूले धम्की दिए, उसले यसको सिकायत गरी भने उनीहरूले भीडियोलाई इन्टरनेटमा भाइरल गरिदिनेछन्। घटनापछि पीड़ित छात्रा आफ्ना आमा-बुवा र छ्यामासित थाना पुगी। घटनालाई लिएर नाबालिकका आफन्त अनि ग्रामीणहरूले अबेर रातिसम्म सिभिल थानाको घेराउ गरे। उनीहरूले घटनालाई लिएर पुलिस समक्ष विरोध गरे। त्यसपछि पाँच जना आरोपीहरूमाथि एफआईआर दर्ता गराए। पीड़ितको रिपोर्टमा पुलिसले पोक्सो एक्ट अन्तर्गत मुद्दा दर्ता गरी जाँच शुरू गरेको छ।

हिन्दुस्थान समाचार / उष्णता छेत्री शर्मा