उत्तर 24 परगना , 23 अगस्त (हि.स.)। हिंगलगञ्जको मामुदपुर क्षेत्रस्थित 20 नम्बर नित्यानन्द शिशु शिक्षा केन्द्रमा अहिलेघरि एक जना मात्र शिक्षिका बचेकी छन्। उनी पनि केही महिनापछि सेवानिवृत्त हुनेछन्। त्यसैले ग्रामीणहरूमा चिन्ता बढ़्दो छ, यो स्कूल बन्द त हुने होइन।

स्मरण गराइन्छ, स्थानीय नानीहरूलाई टाड़ा-टाड़ाका स्कूलहरू जानदेखि बचाउनको लागि वर्ष 2003-मा यो प्राथमिक पाठशाला स्थापना गरिएको थियो। शुरूमा यहाँ ती नजना शिक्षिकाहरू कार्यरत थिए भने विद्यार्थीहरूको संख्या 80 भन्दा अधिक थियो। तर समयको चालसितै एक जना शिक्षिकाको स्थानान्तरण भयो भने यसै वर्षको गत अप्रेल महिनामा दोस्रो शिक्षिकाको सड़क दुर्घटनामा मृत्यु भयो। हाल स्कूलको जिम्मेवारी एक मात्र शिक्षिका झरना चक्रवर्तीले निर्वाह गरिरहेकी छन्।

झरना चक्रवर्तीले बताइन्, यहाँ शिशु कक्षादेखि चौथो कक्षासम्म पढ़ाई हुन्छ। तर मलाई ब्यांक वा सरकारी कार्यालयहरूको कामले बाहिर जानुपर्छ जुन अवस्थामा स्कूलको पढ़ाई बाधित हुन्छ। म जनवरी, 2026-मा सेवानिवृत्त भइरहेकी छु। त्यसपछि नानीहरूको पढ़ाई प्रभावित हुनेछ, किनभने नजिकैको अर्को स्कूल तीन माइल टाड़ा अवस्थित छ।

यस्तो स्थितिमा उत्तर 24 परगना जिल्ला परिषदका शिक्षा कर्माध्यक्ष बुरहानुल मुक़द्दिमले भनेका छन्, यस्तो समस्या धेरै वटा ठाउँमा देखिएको छ। सरकार र शिक्षा विभाग सक्रिय छ। आशा छ, चाँड़ै समाधान हुनेछ ताकि नानीहरूको पढ़ाई प्रभावित नहोस्।

हिन्दुस्थान समाचार / उष्णता छेत्री शर्मा