कोलकाता, 23 अगस्त (हि.स.)। पूर्व आईपीएस औ भाजपा नेता भारती घोषले आफ्नो पार्टीको विरोधमा असन्तुष्टि व्यक्त गरेकी छन्। उनले सोशल मीडिया पोस्टको माध्यमबाट आफ्नो असन्तोषलाई सार्वजनिक गरिन्।

वास्तवमा भाजपा महिला मोर्चाद्वारा आयोजित ‘नारी शक्ति सम्मेलन’- मा उनलाई आमन्त्रित गरिएन। यसै मुद्दालाई लिएर उनले फेसबुक पोस्टमा लेखेर असन्तुष्टि व्यक्त गरिन्।

भारती घोष वर्तमानमा भाजपाकी राष्ट्रिय प्रवक्ता पनि हुन्, तथापि बंगाल भाजपा नेतृत्वले उनलाई अपेक्षित महत्व दिरहेको छैन। आफ्नो पोस्टमा उनले लेखिन्, राष्ट्रिय पुस्तकालयमा आयोजित यस सम्मेलनमा उनलाई बोलाइएन पनि। उनले यो पनि आरोप लगाइन्, सायद सुनियोजित रूपमा उनलाई अलग्गाउने चेष्टा गरिरहेको छ। यसको पछाड़ि कुनै अदृश्य शक्तिको हात हुनसक्छ। उनले कार्यकर्ता तथा समर्थकहरूसित पनि यस मुद्दामा सल्लाह मागेकी छन्।

उनको यस प्रतिक्रियापछि पार्टीभित्र खलबली मच्चिएको छ। राजनीतिक जगतमा मानिँदैछ, भाजपाभित्र पुराना र नयाँ नेताहरूबीच तानातान पनि यस विवादको एउटा कारण हो।

स्मरण गराइन्छ, वर्ष 2019- मा भारती घोष मुकुल रायसँगै भाजपामा सामेल भएकी थिइन्।

हिन्दुस्थान समाचार / उष्णता छेत्री शर्मा