ग्वालपाड़ा (असम), 23 अगस्त (हि.स.)। ग्वालपाड़ा जिल्लाको राक्षसिनी संरक्षित वन क्षेत्रमा शनिवार जिल्ला प्रशासनद्वारा अतिक्रमण हटाऔं अभियान संचालन गरिनेछ। माटिया राजस्व चक्र अन्तर्गत फरेस्ट गेटदेखि धूपतला बजारसम्म बाटोको पश्चिम दिशामा अवस्थित पसलहरूलाी यस अभियानको क्रममा हटाइनेछ। यसपूर्व गत 4 अगस्तमा जिल्ला प्रशासनद्वारा अतिक्रमणकारीहरूलाई एक अधिसूचना जारी गरिएको थियो।

उल्लेखनीय छ, मुख्यमन्त्रीले ग्वालपाड़ामा स्थापित हुने ताप विद्युत परियोजना निर्माणको लागि यस स्थानको निरीक्षण गरे। उक्त परियोजनाको लागि आवश्यक पाँच हजार बिघा भूमिको लागि आज संरक्षित वन क्षेत्रको किनारमा अवस्थित पसलहरूलाई उन्मूलन गरिँदैछ। यसबीच केही पसलेहरूले आ-आफ्नो पसलहरूलाई स्वयं भत्काएर त्यहाँबाट अन्यत्र गइरहेका छन्। घटनास्थलमा ठूलो संख्यामा पुलिस बल तथा सुरक्षा कर्मीहरूलाई तैनाथ गरिएको छ। जिल्ला प्रशासनले बुल्डोजरको सहयोगमा अवैध रूपमा बनाइएको ढाँचालाी भत्काउने तयारी शुरू गरेको छ।

हिन्दुस्थान समाचार / उष्णता छेत्री शर्मा