कोलकाता, 23 अगस्त (हि.स.)। पश्चिम बंगाल भाजपाका पूर्व अध्यक्ष औ बालुरघाटका सांसद डा. सुकान्त मजुमदारले भनेका छन्, आगामी विधानसभा चुनाउमा बाहिरी अनुप्रवेशकारीहरूलाई मतदान गर्न दिइनेछैन। शनिवार माइक्रो ब्लगिंग साइट एक्समा लेखिएको एउटा पोस्टमा उनले प्रश्न उठाए, “के बंगलादेश सरकारको राष्ट्रिय पहिचान पत्रधारी मो. अब्दुर रज्जाक तथा दक्षिण दिनाजपुर जिल्लाको कुमारगञ्ज विधानसभाको 101 नम्बर बूथका मतदाता राज्जाक सरकार, एउटै व्यक्ति हुन्?”

डा. मजुमदारले भने, राष्ट्रिय सुरक्षा सुनिश्चित गर्न तथा पारदर्शी मतदाता सूची बनाउनको लागि यस्ता मामिलाहरूको पहिचान गर्न अत्यन्त आवश्यक छ। उनले आरोप लगाए, यसैकारणले तृणमूल कंग्रेस र उसकी “विफल मुख्यमन्त्री” ममता ब्यनर्जीले एसआईआर प्रक्रियाको यति धेरै विरोध गरिरहेकी छन्।

उनले मुख्यमन्त्रीलाई सोझो चुनौती दिँदै भने, “चाहे ममता ब्यानर्जीले जति नै विरोध गरुन्, राष्ट्रिय चुनाउ आयोगले यो सुनिश्चित गर्नेछ कि कुनै पनि अवैध अनुप्रवेशले आगामी वर्ष 2026-को विधानसभा चुनाउमा मतदान नगरोस्। राष्ट्रिय सुरक्षा तथा राज्यका वैध नागरिकहरूको सुरक्षा कुनै पनि अवस्थामा सुनिश्चित रहनेछ। यदि दम छ भने ममता ब्यनर्जीले रोकेर देखाउन्।”

हिन्दुस्थान समाचार / उष्णता छेत्री शर्मा