कोलकाता, 23 अगस्त (हि.स.)। पश्चिम बंगालमा जति-जति विधानसभा चुनाउ नजिकिँदै गइरहेको छ राजनीतिक गतिविधि पनि तीव्र हुँदै गइरहेको छ। सबै पार्टीहरू आ-आफ्नो सांगठनिक सुदृढ़ीकरणमा लागिपरेका छन्। यसै क्रममा मुख्यमन्त्री ममता ब्यनर्जी आगामी मंगलवार पूर्व तथा पश्चिम बर्दवान जिल्लाको भ्रमणमा जानेछन्।

जानकारी अनुसार मुख्यमन्त्रीले आफ्नो यस भ्रमणावधि केही विकास परियोजनाहरूको शिलान्यास तथा उद्घाटन गर्नको साथै प्रशासनिक बैठकहरू पनि गर्नेछन्। बर्दवान म्यूनिसिपल बोइज हाई स्कूलको मैदानमा आयोजित यस प्रशासनिक बैठकमा दुवै जिल्लाधिकारी, सांसद, विधायक औ जनप्रतिनिधिहरू उपस्थित रहनेछन्। बैठकमा केही लाभार्थीहरूलाई भूमिको पट्टा पनि सुम्पिइनेछ।

उल्लेखनीय छ, आगामी 26 अगस्तको अपरान्ह 12 बजे मुख्यमन्त्रीले पूर्व तथा पश्चिम बर्दवान जिल्लाका अधिकारीहरूसित बैठक गर्नेछन्। यस अवधि केही परियोजनाहरूको शिलान्यास, उद्घाटन तथा सेवाहरूको वितरण पनि गर्नेछन्।

चुनाउपूर्व संगठनलाई बलियो बनाउने उदेश्यले मुख्यमन्त्रीले लगातार जिल्लाहरूको दौड़ाह गरिरहेकी छन्। अर्कोतिर भाजपाले पनि आगामी चुनाउमाथि नजर राखिरहेको छ। प्रधानमन्त्री नरेन्द्र मोदीले पछिल्लो केही दिनभत्रमा तीन पटकसम्म राज्यको भ्रमण गरिसकेका छन्।

हिन्दुस्थान समाचार / उष्णता छेत्री शर्मा