पूर्वी सिंहभूम, 23 अगस्त (हि.स.)। सिदगोड़ा थाना क्षेत्रको बारिडीहस्थित मणिपाल मेडिकल कलेजमा शनिवार विद्यार्थीहरूले कलेजको मुख्य गेटमा व्यापक बबाल मच्चाए। यो विरोध एमबीबीएस तृतीय वर्षका छात्र दिव्यांशु पाण्डेले हालैमा गरेको आत्महत्यालाई लिएर भएको थियो। दिव्यांशु, जो समस्तीपुर, बिहार निवासी थिए,-ले गत बिहीवार अबेर राति आफ्नै होस्टेलको कोठाभित्र विषालु पदार्थ सेवन गरे। पोस्टमर्टमपछि उनको शवलाई परिवारकहाँ सुम्पिइयो।

विद्यार्थीहरूको आरोप छ, दिव्यांशुमाथि कलेजकै डाक्टर विनयले लामो समयदेखिको मानसिक उत्पीड़न तथा प्रताड़ना गर्दै आइरहेको थियो। यही लगातार अपमानजनक व्यवहारले नै दिव्यांशुलाई आत्महत्या गर्नको लागि बाध्य बनायो। धेरैपटक प्रबन्धनलाई सिकायत गर्दा पनि कुनै कारबाही गरिएन र मामिलालाई दबाउने चेष्टा गरियो।

शनिवार बिहान लगभग 10 बजी भारी संख्यामा विद्यार्थीहरू कलेज गेटमा जमा भएर नाराबाजी गर्न शुरू गरे। उनीहरूले दिव्यांशुको मृत्युलाई सामान्य घटनाको सट्टा संस्थानिक लापरबाही र मानसिक उत्पीड़नको परिणाम बताए। प्रदर्शनकारीहरूले डाक्टर विनयमाथि कठोर कानूनी कारबाही,निष्पक्ष जाँच समितिको गठन तथा कलेजमा मूलभूत सुविधाहरूको उचित व्यवस्था गर्ने माग गरे। उनीहरूले यो पनि आरोप लगाए, कलेजका एम्बुलेन्स चालक सदैव अनुपबल्ध रहन्छ जसले गर्दा आपतकालीन स्थितिमा समस्या हुन्छ।

हिन्दुस्थान समाचार / उष्णता छेत्री शर्मा