इटानगर, 24 अगस्त (हि.स.)। केन्द्रिय मन्त्री किरेन रिजिजु, अरुणाचल प्रदेशका मुख्यमन्त्री पेमा खाण्डु तथा उपमुख्यमन्त्री चौना मिनले अरुणाचल प्रदेशकी हिलंग याजिकलाई ब्यांकक, थाइल्याण्डमा आयोजित 57औं एशियाली बडी बिल्डिंग तथा फिजिक स्पोर्ट्स च्याम्पियनशिप- 2025 मा स्वर्ण पदक जितकोमा बधाई दिएका छन्।
किरन रिजिजुले सोशल मीडियाको माध्यमबाट भने, महिला मोडल फिजिक (160सेमीसम्म) श्रेणीमा तपाीको जीत व्यक्तिगत जित मात्र नभएर सारा देशको लागि गौरवको क्षण हो। तपाईले भविष्यमा अझ् धेरै स्वर्णिम उपलब्धि हासिल गर्ने कामना गर्दछु।
मुख्यमन्त्री पेमा खाण्डुले भने, महिला मोडल फिजिक (160सेमीसम्म) श्रेणीमा उनको असाधारण प्रदर्शनले हाम्रो राज्य तथा भारतलाई गौरवान्वित तुल्याएको छ। यो बेजोड़ उपलब्धि उनको अग्रिम यात्रामा केही उज्जवल क्षणहरूमध्ये एक हो। उनको निरन्तर सफलता र शक्तिको कामना गर्दछु।
उपमुख्यमन्त्री चौना मिनले भने, महिला मोडल फिजिक श्रेणीमा उनको उल्लेखनीय जीत व्यक्तिगत उपलब्धि मात्र होइन, अरूणाचल प्रदेश र सम्पूर्ण देशको लागि गौरवको क्षण हो। म उनको निरन्तर सफलता, अग्रिम यात्रामा थप स्वर्णिम उपलब्धिहरू हासिल गर्ने कामना गर्दछु।
हिन्दुस्थान समाचार / उष्णता छेत्री शर्मा