गान्तोक, 23 अगस्त (हि.स.)। सिटिजन एक्सन पार्टी (सीएपी) सिक्किमको आज दरामदिनमा एक महत्वपूर्ण बैठक आयोजन गरियो, जसमा पार्टी नेतृत्वहरू र स्थानीय समर्थकहरूको सक्रिय सहभागिता देखियो। बैठकको अध्यक्षता युवा परिषदका महासचिव दिवस गुरुङले गरेका थिए। बैठक क्षेत्रमा पार्टीको उपस्थितिलाई अझ बलियो बनाउन प्रमुख संगठनात्मक मामिलाहरूमा केन्द्रित थियो।
बैठकमा पार्टीको सोरेङ जिल्ला अध्यक्ष पीडी शेर्पा, दरामदिन क्षेत्रका अध्यक्ष केबी भुजेल, अनुसन्धान तथा विश्लेषण शाखाका पासाङ नुरी शेर्पा, दरामदिन क्षेत्रमा महासचिव ललन सुब्बा, विद्यार्थी परिषदका समन्वयक कैलाश रेन्गाङ आदि उपस्थित थिए। बैठकमा दरामदिन विधानसभा क्षेत्र कार्यकारी समिति गठन र सदस्यता अभियानमाथि छलफल गरिएको प्रेस विज्ञप्तिमा उल्लेख छ।
सीएपी सिक्किमको उद्देश्यलाई अगाडि बढाउन तथा दारामदिन क्षेत्रका जनतामाझ यसको पहुँच विस्तार गर्न सदस्यहरूमाझ एकता र दृढ संकल्पको नयाँ भावनाका साथ बैठक समाप्त गरिएको बताइएको छ।
हिन्दुस्थान समाचार / बिशाल
