बागपत, 23 अगस्त (हि.स.)। उत्तर प्रदेशको बागपत जिल्लाको बड़ौत कोतवाली क्षेत्रमा शनिवार एक चिकित्सकको शव फेला परेको छ। घटनास्थलमा एसपी सूरज कुमार रायले टीमको साथ घटनास्थलको निरीक्षण गरी साक्ष्य एकत्र गरेका छन्। शवलाई पोस्टमार्टमको निम्ति पठाइएको छ।

एसपीले बताए, बड़ौत कोतवाली पुलिसलाई शनिवार बिहान कोताना रोडमा बिजलीघर नजिक एक शव फेला परेको सूचना प्राप्त भयो। कोतवाली पुलिस तुरन्तै घटनास्थलमा पुगेर शवलाई आफ्नो कब्जामा लियो र शवको पहिचान बड़ौत निवासी डाक्टर परवेजको रूपमा भएको छ। उनी दिल्लीको लोकनायक अस्पतालमा कार्यरत थिए। घटनास्थलबाट पुलिसले सिरिंज, निडिल र डाक्टरको हाथमा कैनुला भेटाएको छ। प्रथम दृष्टयता हत्यापछि शवलाई घटनास्थलमा फ्याँकिएको प्रतीत भइरहेको छ।

एसपीले बताए, शवलाई पोस्टमार्टमको निम्ति पठाइएको छ। मृतकको शरीरमा अहिले चोटको कुनै निशान देखिएको छैन। पोस्टमार्टम रिपोर्टपछि मृत्युको कारणहरूको पत्तो लाग्नेछ। घटनाको खुलासाको निम्ति सीसीटीभी क्यामराको मद्दत लिँदैछ। फोरेन्सिक टीमले आफ्नो स्तरमा काम गरिरहेको छ।

हिन्दुस्थान समाचार / भवानी थामी