वाशिङ्गटन, 23 अगस्त (हि.स.)। अमेरिकी राष्ट्रपति डोनाल्ड ट्रम्पले शनिवार वाशिङ्गटनस्थित जोन एफ. केनेडी सेन्टर फर् द परफर्मिङ आर्ट्समा फीफा वर्ल्ड कप 2026 को ड्र सम्पन्न गरिने घोषणा गरेका छन्।

ट्रम्पले प्रेस कन्फ्रेन्समा भने, 'यो वर्ष 5 दिसम्बरमा 2026 फीफा वर्ल्ड कप ड्र केनेडी सेन्टरमा आयोजित गरिने छ।' यस अवसरमा फीफा अध्यक्ष जियानी इन्फेन्टिनो पनि उ​पस्थित थिए।

राष्ट्रपति ट्रम्पले हाल केनेडी सेन्टरको 257 मिलियन डलरको नवीनीकरण कार्यको देखरेख गरिरहेका छन्। ट्रम्प अनुसार, यो सेन्टर आगामी वर्ष हुने अमेरिकाको 250औं वर्षगॉंठ समारोहको प्रमुख आकर्षण हुनेछ।

फीफा वर्ल्ड कप 2026 अमेरिका, क्यानडा र म्याक्सिकोले संयुक्त रूपमा आयोजना गर्नेछ। पहिलोपल्ट वर्ल्ड कपमा 48 दलले भाग लिनेछन् र कुल 104 म्याच खेलिनेछन्।

फीफाले यस भव्य आयोजनको तयारी शुरू गरेको छ। संगठनले अमेरिकामा आफ्नो फील्ड अफिस मियामी र न्यूयर्कमा ट्रम्प टावरमा स्थापित गरेका छन्।

हिन्दुस्थान समाचार / भवानी थामी