जौनपुर, 23 अगस्त (हि.स.)। सुजानगंज थाना क्षेत्रको पन्डरी गाउँमा अबेर राति एक युवकको हत्या गरियो। गाउँ निवासी मनोज कुमार यादव (27) खाना खाएपछि सदा झौं घरदेखि लगभग पाँच सय मीटर टाढ़ा स्थित मचानमा सुत्न गएको थियो। शनिवार बिहान जब उसको भतिज प्रदीप यादव (14) मचानमा पुग्यो तब उसले मनोजलाई रगताम्मे अवस्थामा मृत भेटायो। यो दृश्य देखेर उसको चित्कार निस्क्यो र पूरा गाउँमा कोकोहोलो मच्चियो। घटनास्थलमा परिजनहरू सहित गाउँलेहरूको भारी भीड़ जुट्यो।

सूचना पाउनसाथ पुलिस पनि घटनास्थलमा पुग्यो र छानबीन शुरू गऱ्यो। प्राथमिक जाँचमा युवकको टाउको किच्याएर हत्या गरिएको कुरा अघि आएको छ। हत्याको कारणहरूको अहिले पत्तो लाग्न सकेको छैन। पुलिसले शवलाई पोस्टमार्टमको निम्ति पठाएको छ र मामिलाको गम्भीरताले जाँच गरिँदैछ।

अपर पुलिस अधीक्षक ग्रामीण आतिश कुमार सिंहले बताए, घटनाको छानबीन जारी छ। शवलाई पोस्टमार्टमको निम्ति पठाइएको छ र अहिले परिजनहरूबाट शिकायत पाइएको छैन।

हिन्दुस्थान समाचार / भवानी थामी