वाराणसी, 23 अगस्त (हि.स.)। उत्तर प्रदेशको वाराणसीमा सिगरा थाना क्षेत्रमा शनिवार बिहानै वर्षाबीच भएको भिड़न्तमा एक कुख्यात लुटेरालाई पक्राउ गरियो। भिड़न्त रेलवे लाइनको किनारमा भयो, जहाँ सिगरा पुलिसको जवाबी कारबाहीमा बदमाशको खुट्टामा गोली लाग्यो। घाइते बदमाशको पहिचान रानूको रूपमा गरिएको छ। सूचना पाउनसाथ एडीसीपी सरवणन टी र अन्य वरिष्ठ अधिकारी घटनास्थलमा पुगे औं घटनास्थलको निरीक्षण गरे। घाइते रानूलाई तत्काल उपचारको निम्ति अस्पताल पठाइयो।

एडीसीपी सरवणन टीले पत्रकारहरूलाई बताए, यो कारबाही अपरेशन 'चक्रव्यूह' अन्तर्गत गरियो, जसमा अबेर राति सिगरा पुलिस क्षेत्रमा सक्रिय अपराधीहरूलाई खोजी रहेको थियो। सोही अवधि रेलवे लाइन नजिक एक संदिग्ध युवक देखा पऱ्यो। पुलिसद्वारा रोकिने इशारा गर्दा उ भाग्न थाल्यो र पछ्याउँदा पुलिसमाथि गोली चलायो। जवाबी कारबाहीमा पुलिसले पनि गोली चलायो, जसबाट बदमाश घाइते भयो। पलिसले उसलाई पक्राउ गऱ्यो। सोधपुछमा उसले 19 अगस्तमा कैण्ट रेलवे स्टेशन नजिक एक महिलाबाट सुनको चेन खोसेको स्वीकार गऱ्यो। पुलिसले उक्त चेन जफत गरेको छ।

सिगरा पुलिस अनुसार, रानू विरूद्ध अगावै धेरै आपराधिक मामिलाहरू दर्ता छन्। अहिले उससित अघिको सोधपुछ भइरहेको छ।

हिन्दुस्थान समाचार / भवानी थामी