उत्साहपूर्ण सहभागिताका साथ उल्लेखनीय उपलब्धि हासिल
गान्तोक, 23 अगस्त (हि.स.)। विस्तृत वित्तीय समावेशन हासिल गर्ने दिशामा राज्य स्तरीय ब्याङ्कर समिति (एसएलबीसी), सिक्किमद्वारा नाम्चीको नगरभवनमा 22 अगस्तको दिन बृहत् वित्तीय समावेशन शिविर आयोजित गरियो। नाम्ची अनि वरिपरीको इलाकाका करिब 600 जनाले शिविरमा भाग लिए भने दुवै 11 नाम्ची-सिङ्गिथाङ अनि पोकलोक-कामराङका स्थानीय जनप्रतिनिधि, नागरिक अनि परिवारले उत्साहका साथ सहभागिता जनाए। उक्त जानकारी आज पीआईबीले दिएको छ।
यस अवसरमा 11 नाम्ची-सिङ्गिथाङ निर्वाचन क्षेत्रका विधायक सतीशचन्द्र राई मुख्य अतिथि तथा आरबीआइका क्षेत्रीय निर्देशक टी जामाङ विशेष अतिथिका रूपमा उपस्थित थिए। यसका अतिरिक्त निर्देशक (वित्त) महेन्द्र प्रधान, एडीसी नाम्ची टी तामाङ, एसएलबीसी सिक्किमका एजीएम गोपाल लामा तथा एसबीआइका एजीएम-एसएमई गौतम दत्त लगायत विभिन्न वित्तीय संस्थानका वरिष्ठ अधिकारीहरू पनि उपस्थित थिए।
बृहत् शिविरमा विभिन्न वित्तीय सेवासम्म व्यक्तिहरूलाई सुगम्यताको मञ्चका साथै आफ्नो वित्तीय हितका लागि सुसूचित निर्णय लिन सक्षम बनाउन वित्तीय साक्षरता पनि प्रदान गरियो। शिविरमा 5 पीएमजेडीवाई खाता खोलियो भने 101 जनाको नाम पीएमजेजेबीवाई, 163 व्यक्तिको नाम पीएमएसबीवाई, 31 जनाको नाम एपीवाई अन्तर्गत दर्ता गरियो भने 235 पुनः केवाईसी प्रक्रिया पूरा गर्नका अतिरिक्त 12 पीएमजेडीवाई-केवाईसी प्रक्रिया पनि पूरा गरियो।
वित्तीय सेवा विभागद्वारा 1 जुलाईदेखि शुरु गरिएको राष्ट्रव्यापी तीन महिनाको अभियान 30 सेप्टेम्बरसम्म चल्नेछ भने यो वित्तीय समावेशन बढाउन, सुरक्षित ब्याङ्किङ प्रथाबारे जागरूकता फैलाउन र सबै ग्राम पञ्चायत अनि शहरी स्थानीय निकायमा विभिन्न सरकार प्रायोजित योजनाहरू अन्तर्गत तत्काल नाम दर्ता गराउन लक्षित छ।
नागरिकमुखी पहलको निम्ति मानिसहरूले यसको प्रशंसा गरे, जसबाट नागरिकहरूले आफ्नो घर-आँगनमै औपचारिक वित्तीय सेवासम्म सुगम्यता हासिल गर्नका अतिरिक्त आफ्नो इलाकामा वित्तीय साक्षरता बढाएको छ।
सरकारी अधिकारी, ब्याङ्कर अनि स्थानीय प्रतिनिधिहरू लगायतका विभिन्न हितधारकको सामूहिक संलग्नताले वित्तीय समावेशन प्रोत्साहित गर्नका साथै क्षेत्रमा दिगो आर्थिक-सामाजिक विकास पोषित गर्ने दिशामा प्रतिबद्धता दर्शाउँछ।
हिन्दुस्थान समाचार / बिशाल
