नयाँ दिल्ली, 23 अगस्त (हि.स.)। बाहिरी उत्तरी जिल्लाको शाहबाद डेयरी थाना अन्तर्गत रोहिणी सेक्टर-27 स्थित स्ट्रिटडग शेल्टर होममा गए शुक्रवार त्यसबेला बबाल भयो जतिबेला केही एनजीओ प्रतिनिधि तथा पशु प्रेमीहरू ठूलो संख्यामा त्यहाँ पुगे। उनीहरूको आरोप थियो, शेल्टर होममा राखिएका कुकुरहरूप्रति क्रूर व्यवहार गरिँदैछ र सुप्रीम कोर्टको आदेश अनुसार यी कुकुरहरूलाई रिहा गरिनुपर्छ। मामिलाको सूचना पाउनसाथ पुलिस घटनास्थलमा पुग्यो।

पुलिस अधिकारीअनुसार स्थितिलाई मध्यनजर गर्दै पुलिसले शान्तिपूर्ण समाधानको लागि प्रदर्शनकारीहरूलाई शेल्टर होमको निरीक्षण गर्ने अनुमति दियो। यसको लागि प्रदर्शनकारीहरूको समूह बनाइयो, प्रत्येक समूहमा पाँच-पाँचजना सदस्यहरू सामेल छन्।

जाँचमा के पाइयो भने, शेल्टरमा मोठ 113 वटा भुस्याह कुकुरहरूलाई राखिएको छ। सबै कुकुरहरू स्वस्थ अवस्थामा थिए। तिनीहरूसित कुनै पनि प्रकारको क्रूरता वा दुर्व्यवहार गरिएको संकेत पाइएन। एउटा मात्र कुकुरलाई बिमार पाइयो जसको पहिलादेखि नै उचित उपचार भइरहेको थियो। पुलिसका वरिष्ठ अधिकारीहरूले प्रदर्शनकारीहरूलाई सम्झाएपछि वातावरण शान्त भयो।

---------------

हिन्दुस्थान समाचार / उष्णता छेत्री शर्मा