गान्तोक, 24 अगस्त (हि.स.)। सिक्किम स्टेट बडीबिल्डिङ एसोसिएशनले राज्य खेलकुद एवं युवा मामिला विभागको समर्थनमा शनिवार राजधानीको मनन केन्द्रमा '24औं मिस्टर सिक्किम बडीबिल्डिङ' र 'सातौं ओपन मेन्स एण्ड वुमन्स फिजिक च्याम्पियनशिप 2025' आयोजन गऱ्यो। कार्यक्रममा खेलकुद एवं युवा मामिला विभाग मन्त्री राजु बस्नेत मुख्य अतिथि तथा पर्यटन एवं नागरिक उड्डयन विभागका चेयरमेन सोनाम नोर्गे लाचुङ्गपा विशिष्ट अतिथि थिए।
यो च्याम्पियनशिप गैर-व्यावसायिक, समुदाय-सञ्चालित पहलको रूपमा आयोजना गरियो, जुन मुख्यमन्त्रीको 'नशा-मुक्त' सिक्किम र स्वास्थ्य-सचेत राज्यको दृष्टिकोणसँग मिल्दोजुल्दो रहेको छ। यस वर्षको आयोजनले सिक्किम सरकारको कानून विभाग अन्तर्गत संघको आधिकारिक पञ्जीकरणको रजत जयन्ती पनि मनाएको बताइएको छ।
प्रतियोगितामा 200 भन्दा धेरै प्रतिभागीले भाग लिएका थिए। प्रतियोगितामा नबिन प्रधान, अकिनोरी नेगी, सोनाम डाडुल भोटिया, विनोद विश्वकर्म, रुपेन्द्र मुखिया, जयराज प्रधान, तेन्जिङ जामयाङ, सुनन्दा तामाङ, बसन्त थापा, देवराज भण्डारी, सुरज सार्की, सागिल जोन, अजय गुरुङ र संजय छेत्री निर्णायक थिए।
मेन्स बडीबिल्डिङ च्याम्पियनशिपमा प्रणोश लिम्बू, बिनय रसाइली र अलिसन छेत्री क्रमश: प्रथम, दोस्रो र तेस्रो भए। मेन्स बडीबिल्डिङ 60–65 केजी वर्गमा मिङ्गमा छिरिङ तामाङ, सुमित गुप्ता र मितेश प्रधान क्रमश: प्रथम दोस्रो र तेस्रो भए। मेन्स बडीबिल्डिङ 65–70 केजी वर्गमा प्रितम बराइली, रोहित राई र सुभाष राई क्रमश: प्रथम, दोस्रो र तेस्रो भए। मेन्स बडीबिल्डिङ 70 केजी तथा माथि वर्गमा कल्याण तामाङ, बाशुदेव शर्मा र अबिरल प्रधान क्रमश: प्रथम, दोस्रो र तेस्रो भए।
यसरी नै मेन्स फिजिक 170 सीएमभन्दा कम वर्गमा वशिम खान, भाष्कर मण्डल र दिपक चक्रवर्ती क्रमश: प्रथम, दोस्रो र तेस्रो भए। मेन्स फिजिक 170 सीएमदेखि माथि वर्गमा बप्पा चौधरी, दिवकर गिरी र पुष्कर गुरुङ क्रमश: प्रथम, दोस्रो र तेस्रो भए।
डेनिम जीन्स प्रतियोगितामा अबिरल प्रधान प्रथम, जयसिन्थ मोक्तान दोस्रो र अजिम अली तेस्रो भए। यसैगरी, विशेष रूपमा सक्षम वर्गमा रबिन गुरुङ प्रथम, थिन्ले ओङ्मु भोटिया दोस्रो र सुरज प्रधान तेस्रो भए। बप्पा चौधरी च्याम्पियन्स अफ् च्याम्पियन्स छनोट भएका छन्।
महिला फिजिक शोडाउनमा प्रिया राई, शेराप ल्हमू भोटिया र दर्शना मुखिया क्रमश: प्रथम, दोस्रो र तेस्रो भए। महिला स्पोर्ट्स मोडलमा बसु जमामातारी, वर्षाना मुखिया र शेराप ल्हमू भोटिया क्रमश: प्रथम, दोस्रो र तेस्रो भए। कल्याण तामाङ 24औं मिस्टर सिक्किम 2025 भएका छन्।
हिन्दुस्थान समाचार / बिशाल
