सिलगढ़ी, 24 अगस्त (हि.स.)। सिलगढ़ी महकुमाको खोरीबाड़ीस्थित भारत-नेपाल सीमामा एकजना बंगलादेशी नागरिकलाई पक्राउ गरिएको छ। सशस्त्र सीमा बल (एसएसबी)-ले उक्त बंगलादेशी नागरिकलाई पक्राउ गरेको हो।

पुलिस सूत्र अनुसार रतुल खानले गए शनिवार आफ्नो भारतीय आधार कार्ड देखाएर नेपाल जाने योजना बनाइरहेको थियो। उसले आफ्नो आधार कार्ड देखाउँदा एसएसबी जवानहरूलाई शंका लाग्यो। त्यसपछि उसको जाँच गरियो जसमा एउटा बंगलादेशी पहिचान पत्र भेटियो। बंगलादेशी पहिचान पत्रमा उसको नाम मोहम्मद माणिक लेखिएको थियो भने आधार कार्डमा रतुल खान लेखिएको थियो।

जाँचबुझमा उसले बतायो, उ बंगलादेशी नागरिक हो। उसको घर बंगलादेशको लालमोनिरहाटमा छ। पछि एसएसबी जवानहरूले आरोपीलाई खोरीबाड़ी पुलिसमा सुम्पिदिए। खोरीबाड़ी पुलिस अग्रिम कारबाहीमा जुटेको छ।

हिन्दुस्थान समाचार / उष्णता छेत्री शर्मा