दक्षिण दिनाजपुर, 24 अगस्त (हि. स.)। यात्रीहरूलाई चढ़ाउने होड़मा आइतवार दक्षिण दिनाजपुर जिल्लाको कुमारगञ्जमा दुई वटा वाहनहरूमाझ भिड़न्त भयो जसमा एउटा वाहनको कण्डक्टरको मृत्यु भयो भने अन्य केही यात्रीहरू घाइते भए। मृतकको नाम सुबीर बसाक हो। यस घटनामा न्यूनतम 12 जना मानिसहरू घाइते भएका छन्।

प्राप्त जानकारी अनुसार आइतवार बिहान दुई वटा सफारी वाहन कुमारगञ्जदेखि बालुरघाटतर्फ गइरहेको थियो। दुवै वाहनमा यात्रीहरू सवार थिए। दुर्घटना कुमारगञ्जको बरम मोड़मा भएको हो।

प्रत्यक्षदर्शीहरूले बताए, यात्रीहरूलाई चढ़ाउनको लागि दुवै सफारी वाहनबीच को अगाड़ि पुग्ने होड़ शुरू भयो। यसै अवधि एउटा वाहन अर्को वाहनसित ठोक्कियो जसले गर्दा एउटा वाहनले नियन्त्रण गुमायो अनि नजिकै सड़क किनारमा पल्टियो। वाहनमा सवार कण्डक्टरको घटनास्थलमै मृत्यु भयो। पुलिसले सम्पूर्ण घटनाको जाँच गरिरहेको छ।

हिन्दुस्थान समाचार / उष्णता छेत्री शर्मा