इम्फाल, 24 अगस्त (हि.स.)। मणिपुरमा नशालु पदार्थ विरोधी अभियान अन्तर्गत पुलिस, सीआरपीएफ र बीएसएफको संयुक्त टीमले ठूलो कारबाही गऱ्यो। गए 23 अगस्तमा भएको यस कारबाहीमा पाँचजना मानिसहरूलाई पक्राउ गरिएको छ भने भारी मात्रामा मेथाम्फेटामिन ट्याबलेट्स (डब्ल्यूवाई ट्याबलेट्स), वाहन, मोबाइल फोन, डायरी र अन्य आपत्तिजनक दस्तावेज जफत गरिएको छ।

पक्रा पर्ने आरोपीहरूको पहिचान मोहम्मद मुस्ताकिम (39) र मोहम्मद आरिफ (20) निवासी लिलोंग उशोइपोक्पी थराओरोक, मोहम्मद अजित (32) निवासी लिलोंग माखा लाइकै तथा उसकी पत्नी रहिमा (26) र मोहम्मद बाबय उपनाम याहिया खान (35) निवासी क्यामगई ममंग लाइकैको रूपमा भएको छ।

मुस्ताकिमको घरबाट 2.27 किलो डब्ल्यूवाई ट्याबलेट र बाबयको घरबाट 45 ग्राम डब्ल्यूवाई ट्याबलेट जफत गरिएको छ। यस अतिरिक्त 6 वटा मोबाइल फोन, केही खाता-बही औ डायरी, तस्करीमा उपयोग गरिएका दुईवटा वाहन (एमएल05एल-0490 र एएस05एन-7322) तथा 120 खाली प्लास्टिक कन्टेनर जफत गरियो।

पुलिस अनुसार मुस्ताकिम र बाबय दुवैलाई नै पहिला पनि नशालु पदार्थहरूको तस्करीको मामिलामा पक्राउ गरिएको थियो। मुस्ताकिमलाई वर्ष 2022-मा गुवाहाटीमा हेरोइन लैजाँदै गर्दा असम पुलिसले पक्राउ गरेको थियो। दुई वर्ष जेलमा बसेपछि यसै वर्ष 2025-को जनवरी महिनामा रिहा भएको थियो। यसरी नै बाबलाई वर्ष 2020-मा गुवाहाटीमा 7 हजार डब्ल्यूवाई ट्याबलेट्स सहित पक्राउ गरिएको थियो भने वर्ष 2023-मा जमानतमा रिहा भएको थियो। यस मामिलामा अग्रिम जाँच जारी छ।

हिन्दुस्थान समाचार / उष्णता छेत्री शर्मा