गुवाहाटी, 24 अगस्त (हि.स.)। जीएसटी इन्टेलिजेन्स महानिदेशालय (डीजीजीआई)- को गुवाहाटी जोनल यूनिटले बर्नीहाटस्थित जीएम कोकका मालिक शिव कुमार मित्तललाई ट्याक्स चोरीको आरोपमा पक्राउ गरेको छ। आरोप छ, मित्तलले 150करोड़ रुपियाँभन्दा अधिक ट्याक्स चोरी गरेका छन्। उल्लेखनीय छ, चार दिनपूर्व पनि गुवाहाटीको बेलतलाबाट यस्तै प्रकारको मामिलामा व्यापारीहरूलाई पक्राउ गरिएको थियो।

अधिकारीहरूले आइतवार बताए, गए शनिवार अबेर साँझ तिनसुकियाबाट मित्तललाई हिरासतमा लिइयो। जाँचमा पत्तो लागे अनुसार तिनले मेघालयका केही अवैध कोक प्लान्टरहरूबाट कोक खरिद गर्दथे अनि अवैध लेनदेनलाई लुकाउनको लागि नक्कली बिलिंग गर्दथे। यस्तो नक्कली इनभोइस डमी कम्पनीहरूको नाममा बनाइन्थ्यो जसमध्ये केही कम्पनीहरूलाई गरीब तथा वञ्चित वर्गका मानिसहरूको परिचय प्रयोग गरी बनाइएको थियो। जाँच एजेन्सीहरूको भनाइ छ, मित्तलले 150 करोड़ रुपियाँभन्दा अधिकको इनभोइस बनाए अनि असली लेनदेनलाई लुकाउनको लागि ट्याक्स चोरी गरे। यसै महिना गुवाहाटीमा नक्कली बिलिंग सिण्डिकेटमाथि कारबाही गर्ने क्रममा चारजना आरोपीहरूलाई पक्राउ गरिएपछि मित्तलको सोझो संलिप्तता उजागार भएको थियो। मित्तलसित जाँचबुझ गरिँदैछ ताकि पूर्वोत्तरमा अवैध कोइला तथा कोकको व्यापारको वृहत नेटवर्कको खुलासा हुन सकोस्।

डीजीजीआईले स्पष्ट पाऱ्यो, नक्कली बिलिंग, ट्याक्स चोरी तथा अवैध व्यापारविरूद्ध भइरहेको कारबाहीमा मित्तलको पक्राउलाई एउटा ठूलो उपलब्धि मानिँदैछ।

हिन्दुस्थान समाचार / उष्णता छेत्री शर्मा