धेमाजी (असम), 24 अगस्त (हि.स.)। असम प्रदेश कंग्रेस कमिटीका अध्यक्ष एवं सांसद गौरव गोगोईले आइतवार धेमाजी जिल्लाको लिकाबालीस्थित ऐतिहासिक माँ मालिनी मन्दिरमा पूजा-अर्चना गरे। आगामी वर्ष 2026 विधानसभा चुनाउपूर्व उनले माँबाट आशीर्वाद लिए। यस अवसरमा उनीसित केही वरिष्ठ कंग्रेस नेता तथा कार्यकर्ताहरू उपस्थित थिए।

पत्रकारहरूसित बातचित गर्दै गोगोईले भाजपामाथि चर्को प्रहार गरे। उनले भने, भाजपा नेता,, परिवार तथा कार्यकर्ताहरूले लगातार जनताको जमीनमा कब्जा गरिरहेका छन्। गोगोईले आरोप लगाए, “भाजपाले यसो भनेर प्रचार गर्दछ कि उनीहरूले अवैध कब्जालाी हटाइरहेका छन्, तर अन्ततः ती जमीनहरू कसलाई दिरहेको छ? ती जमीनहरूमा ठूल्ठूला पूँजीपतिहरूको रेस्तराँ, रिजर्ट र अन्य व्यावसायिक प्रतिष्ठानहरू स्थापना भइरहेका छन्।”

धेमाजी जिल्लाको नवनिर्मित 79 नम्बर सीसिबर गाउँ विधानसभा क्षेत्रको उल्लेख गर्दै गोगोईले भने, कंग्रेसले त्यहाँ एकजना सशक्त उम्मेद्वारलाई उठाउनेछ। उनले निर्वाचन आयोगमाथि पनि पक्षपात गरेको आरोप लगाउँदै भने, आयोगले भाजपाको पक्षमा काम गरिरहेको छ। उनले भने, “चाँड़ै नै हामी सम्पूर्ण असममा जागरूकता सभाहरूको आयोजना गर्नेछौं ताकि भाजपाको जनविरोधी नीतिविरूद्ध जनजागरण हुन सकोस्।”

हिन्दुस्थान समाचार / उष्णता छेत्री शर्मा