दक्षिण 24 परगना, 24 अगस्त (हि.स.)। दक्षिण 24 परगना जिल्लाको क्यानिंगस्थित तलड़ी ब्यारहसिंह गाउँमा एकजना 24 वर्षीय व्यक्तिले परपुरूषसित सम्बन्ध राखेको आशंकामा आफ्नी पत्नीको हत्या गरेपछि आफूले आत्महत्या गऱ्यो।

यी दम्पतिको विवाह तीन वर्षपूर्व भएको थियो, तर बितेको एक वर्षदेखिको पति-पत्नीबीच सम्बन्ध बिग्रिएको थियो। यसैलाई लिएर घरमा पनि कलह भइरहन्थ्यो। त्यसैले पतिले पत्नीको गला दबाएर हत्या गरेपछि आफूले फाँसी लगाएर आत्महत्या गऱ्यो। यस घटनाले क्षेत्रमा खैलाबैला मच्चाएको छ।

आइतवार बिहान परिवारले घरभित्र दुईवटा शव देखे। नजिर मोल्ला घरभित्रै फाँसीमा झुण्डिएको थियो भने पत्नी रिंकी मोलल्लाको शव ओछ्यानमा लड़िरहेको थियो। परिवारले दुवै शवलाई क्यानिक महकुमा अस्पतालमा पुऱ्यायो जहाँ डाक्टरहरूले दुवैलाई मृत घोषित गरिदिए। सूचना पाएर घटनास्थलमा पुगेको क्यानिंग पुलिसले दुवै शवलाई कब्जामा लिएर पोस्टमर्टम गर्नको लागि पठाइदियो। पुलिसले मृत्युको कारण पत्तो लगाउन जाँच गरिरहेको छ।

हिन्दुस्थान समाचार / उष्णता छेत्री शर्मा